ᑐᓴᓚᐅᖅᑐᒍᑦ ᐊᒥᓱᓂᒃ ᐅᖃᐅᓯᒃᓴᓂᒃ ᐃᒪᓐᓈᖅᑐᕈᑎᒃᓴᓂᒡᓗ. ᐃᓚᖏᑦ ᐃᓄᐃᑦ ᑐᓴᖅᑎᑦᓯᓚᐅᖅᑐᑦ ᑐᕋᐃᓐᓇᕐᕕᖃᖅᑐᑎᒃ ᐊᑦᑐᐊᔪᓂᒃ ᒪᓕᒐᓕᐊᖑᒍᒪᔪᓄᑦ ᑭᓯᐊᓂ ᐊᑦᑐᐊᓇᑎᒃ ᑎᑎᕋᖅᑎᓯᒪᔪᓄᑦ ᐸᐃᑉᐹᒥ ᓇᐃᓈᖅᓯᒪᔪᓄᑦ. ᑖᒃᑯᐊ ᑭᐅᔾᔪᑕᐅᔪᑦ ᓇᓗᓇᐃᖅᓯᒪᔭᕗᑦ ᐃᓛᒃᑰᖅᑐᒥ 1-ᒥ. ᐊᒥᓱᑦ ᑐᓂᓯᓚᐅᖅᑐᑦ ᐅᖃᐅᓯᒃᓴᓂᑦ ᐱᔾᔪᑎᖃᓗᐊᓚᐅᖅᑐᑦ ᑭᓱᓪᓚᕆᖕᒥᑦ ᐅᕝᕙᓘᓐᓃᑦ ᑭᓱᓪᓚᕆᖕᒥᑦ ᑐᒃᓯᕋᐅᑎᒥᑦ ᓇᓗᓇᐃᔭᖅᓯᒪᔪᒥᑦ ᓇᐃᓈᖅᓯᒪᔪᓂᑦ ᑎᑎᖅᑲᓂᑦ. ᓇᐃᓪᓕᒋᐊᖅᓯᒪᔪᓂᒃ ᑕᑯᔪᓐᓇᖅᑐᓯ ᐅᖃᐅᓯᐅᖅᑲᐅᔪᓂᒃ ᐃᓛᒃᑰᖅᑐᓂ 2-ᒥ 6-ᒧᑦ. ᐅᖃᐅᓯᒃᓴᑦ ᐊᔾᔨᒋᔭᐅᙱᑦᑐᑦ ᓄᓇᖃᖅᑳᖅᓯᒪᔪᓄᑦ, ᐃᓄᖕᓄᑦ, ᐊᒻᒪ ᐊᓪᓚᖓᔪᓄᑦ ᐊᒻᒪ ᑲᑐᔾᔨᖃᑎᒌᓄᑦ ᓇᓗᓇᐃᖅᑕᐅᓯᒪᔪᑦ ᐊᒃᑐᐊᓂᓖᑦ ᐊᒡᒍᖅᓯᒪᔪᓂᒃ. ᐃᓛᓐᓂᒃᑯᑦ, ᑭᐅᔪᑦ ᐅᖃᓚᐅᕐᒥᔪᑦ ᐊᖏᓪᓕᒋᐊᕆᖁᔨᓪᓗᑎ ᐊᖏᓂᖓᓂ ᑐᑦᓯᕋᐅᑎᐅᔪᒥ ᒪᓕᒐᕐᓂ ᐱᖃᓯᐅᔾᔨᓗᑎ ᐃᓚᒃᑲᓂᖏᓐᓂ ᐅᖃᐅᓯᐅᔪᓂᑦ. ᑖᒃᑯᐊ ᐃᓱᒪᒋᔭᐅᔪᑦ ᑎᑎᕋᖅᓯᒪᔪᑦ ᐃᓚᖓᓂ 7.
ᐃᓚᖏ ᑭᐅᔪᑎ ᐅᖃᐅᓯᖃᓚᐅᖏᑦᑐᑦ ᒪᓕᒐᓐᖑᖅᑎᑕᐅᔪᒪᔪᓄᑦ ᑭᓯᐊᓂ ᑐᓂᓯᓚᐅᖅᑐ ᐃᓱᒪᒋᔭᒃᓴᓂ ᖃᓄᖅ ᑲᓇᑕᐅ ᑕᕆᐅᖓ ᐃᒪᖓᓗ ᓴᐳᔾᔭᐅᓯᒪᔫᑉ ᐃᓂᖓᓂ ᐱᓕᕆᐊᒃᓴ ᐊᑕᖏᓕᒫᖅᖢᒍ. ᓲᕐᓗ, ᐅᖃᐅᓯᒃᓴᓕ ᑐᓂᓯᓚᐅᖅᑐ ᐃᓱᒪᒋᔭᒥᓂ ᐊᑐᖅᑐᒥ ᐊᑐᐊᒐᐃᑦ ᓴᖅᑭᖅᑕᐅᓂᖓᓄᑦ ᐊᐅᓚᑕᐅᓂᖓᓄᓪᓗ ᑲᓇᑕᒥ ᑕᕿᐅᕐᒥᐅᑕᐃᑦ ᓴᐳᔾᔭᐅᓯᒪᕕᖏᑕ ᐃᓂᖏᓐᓂᑦ, ᓴᕿᖅᑎᑕᐅᓂᐊᖅᑐᑦ ᐃᓕᖅᑯᓯᒋᑦ, ᐊᒻᒪᓗ ᑲᓇᑕᒥ ᕿᓪᓕᓕᐅᕐᓂᕐᒥ ᐋᕿᑦᓯᒪᔪᖅ. ᐊᓯᖏᑦ ᐅᖃᐅᓯᖃᓚᐅᖅᑐᑦ ᐱᔾᔪᑎᖃᖅᑐᑎᒃ ᐊᐅᓚᓂᖏᓐᓄᑦ ᐊᐅᓚᑕᐅᓂᖓᓄᓪᓗ ᑲᓇᑕᒥ ᑕᕆᐅᕐᒥᐅᑕᓂᑦ ᓴᐳᔾᔨᕕᐅᔪᑦ ᐃᓂᖏᓐᓂᑦ ᓲᕐᓗ ᐊᑦᑐᐊᔪᓂᑦ ᐆᒪᔪᓐᓇᖅᑐᓕᒫᑦ ᑲᔪᓰᓐᓇᕆᐊᖃᕐᓂᖏᓐᓂᑦ ᐊᑐᖅᑕᐅᒋᐊᓐᓇᖁᓪᓗᒋᑦ ᓯᕗᓂᑦᑎᓐᓂ ᐱᖅᑯᓯᓕᕆᓂᒧᓪᓗ ᐃᑦᑕᕐᓂᓴᓂᑦ ᐊᐅᓚᑦᓯᔾᔪᑕᐅᔪᓂᑦ ᐊᑐᖅᑕᐅᔪᓂᓪᓗ. ᑐᓴᓚᐅᕐᒥᔪᒍ ᐱᒻᒪᕆᐅᓂᖓᓂ ᐱᒋᐊᓕᓵᖅᑐᖅ ᐊᒻᒪᓗ ᐱᒻᒪᕆᐅᓂᖓᓂ ᐱᒋᐊᓵᕐᓂᖓᓂ ᐊᒻᒪᓗ ᐱᓕᕆᔪ ᐱᓕᕆᖃᑕᐅᓂᖅ ᓄᓇᖃᖅᖄᖅᓯᒪᔪᓄ ᐋᕿᒃᓱᐃᔨᑦ, ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᓄᓇᕗᒥ ᐊᕕᒃᑐᖅᓯᒪᔪᑦ, ᐊᒻᒪᓗ ᓇᖕᒥᓂᖃᖅᑎᕐᔪᐊᑦ ᐱᓕᕆᔪᓯᖏᑦ − ᐱᓯᒪᔪᑦ ᓴᕿᖅᑕᐅᓂᖓᓂᑦ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔭᐅᕕᖏᑕ ᐃᓂᖏᓐᓂᑦ ᖃᐅᑕᒫᖅᓯᐅᑎᖏᑕ ᐊᐅᓚᓂᖏᓐᓄᑦ. ᑕᐃᒪᓕ ᐊᑦᑐᐊᓚᐅᓐᖏᓐᓂᖏᓐᓄᑦ ᑐᕋᐃᓐᓇᖅᑐᒥᑦ ᒪᓕᒐᓕᐊᖑᒍᒪᓂᖓᓄᑦ, ᑲᒪᒋᔭᐅᓪᓗᐊᑕᕐᓂᐊᖏᑦᑐᑦ ᐃᓕᓗᒻᒪᕆᖏᑦ ᐅᕙᓂ ᐅᓂᒃᑳᓕᐊᖑᔪᒥ. ᑭᓯᐊᓂ, ᐃᓗᓕᖃᕐᒥᔪᑦ ᑐᓴᖅᑎᑦᓯᓂᖏᑦ ᐃᓱᒪᒋᔭᐅᒋᐊᕐᓂᐊᖅᑐᑎᓪᓗ ᐊᐅᓚᑕᐅᓂᖓᓄᑦ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᓯᒪᔪᑦ ᐃᓂᖏᓐᓄᑦ.
ᓈᓴᐅᑎᓕᒃ 1.
ᑐᓴᓚᐅᖅᑕᕗ ᓇᐅᒃᑯᑐᐃᓐᓇᖅ ᐅᖃᐅᓯᓕᒃ ᒪᓕᒐᓕᐊ ᐱᔪᒪᔭᐅᔪᖅ
ᐃᓘᓐᓈᒍᑦ, ᑐᓴᓚᐅᖅᑕᑦᑕ ᐃᓗᐊᓂ ᒪᓕᒐᓕᐊᖑᒍᒪᔪᖅ ᐃᑲᔪᕈᓐᓇᕐᓂᖓᓂᑦ ᖁᑦᑎᒃᓯᒋᐊᕈᑕᐅᓗᓂ ᐱᒻᒪᕆᐅᓂᖓᓂᑦ ᑐᕌᖅᑕᐅᔪᒪᔪᓂ ᑲᓇᑕᒥ ᐃᒪᕐᒥᐅᑕᓕᕆᔨ ᔭᐳᔾᔨᕕᐅᔪᑦ ᐃᓂᖏᓐᓂ ᐊᒻᒪᓗ ᓴᕿᑉᐸᓪᓕᐊᑎᑕᐅᔪᒥ ᐱᔪᒪᔭᕗᑦ ᓈᒻᒪᓈᑦᓯᐊᕋᓗᐊᕐᒪᖔᑦ. ᑭᐅᔪᑦ ᓇᓗᓇᐃᖅᓯᓚᐅᖅᑐ ᐱᒻᒪᕆᐅᓂᖓᓂ ᑐᕌᕐᑕᐅᔪᑦ ᐃᑲᔪᖅᑕᐅᔪᓐᓇᖅᑐᑦ ᑕᐃᑰᓇ ᓴᕿᖅᑕᐅᓂᖓᒍᑦ ᒪᓕᒐᓐᖑᖅᑎᑕᐅᔫᑉ:
• ᐆᒫᔪᑦ ᐃᓂᖏᓪᓗ ᐊᓐᒪᓗ ᓄᓇᑐᐃᓐᓇᕐᒥᑦ ᓴᐳᔾᔨᓂᑦ
• ᐃᖃᔪᖅᓯᒪᓂᖅ ᓄᓇᖃᖅᑳᖅᑐᑦ ᖃᓄᐃᓐᖏᑦᓯᐊᕆᐊᖃᕐᓂᖏᓐᓂᑦ ᓄᓇᓖᓪᓗ ᐃᒪᐅᑉ ᓯᓈᓂᒥᐅᑕᐃᑦ
• ᐃᑲᔪᖅᑐᖅᑕᐅᓂᖏᑦ ᐳᓚᕋᑦᑐᓕᕆᓂᕐᒥ ᐱᓕᕆᐊᖑᕙᑦᑐᑦ
ᑕᐃᒃᑯᐊ ᑐᓂᓯᓚᐅᖅᑐ ᑭᐅᔾᔪᑎᓂ ᓇᓗᓇᐃᖅᓯᓚᐅᖅᑐᑦ ᐊᔾᔨᒋᓐᖏᑕᖏᓐᓂᑦ ᐃᓱᒪᖃᕐᓂᕋᖅᑐᒃ ᓯᕗᓪᓕᐅᔾᔭᐅᒋᐊᓖᑦ ᐱᓪᓗᒋᑦ. ᐃᓚᖏᑦ ᐅᖃᓚᐅᖅᑐᑦ ᐆᒪᔪᓐᓇᖅᑐᓕᒫᑦ ᐃᓂᖏᓪᓗ ᓴᐳᔾᔭᐅᔭᕆᐊᖃᕐᓂᖏᓐᓂᑦ ᐊᒻᒪᓗ ᓯᕗᓪᓕᐅᔾᔭᐅᒻᒪᕆᒋᐊᖃᕐᓂᖏᓐᓂᑦᓪᓗ. ᐃᓚᖏ ᓇᓗᓇᐃᖅᓯᓚᐅᖅᑐ ᒪᓕᒐᓐᖑᖅᑎᑕᐅᔪᒪᔪᖅ ᑲᔪᓯᑎᑕᐅᓚᐅᓐᖏᓐᓂᖓᓂ ᕿᓂᖅᓯᒪᒃᑲᓐᓂᕆᐊᖃᕐᓂᖏᓐᓂᑦ ᓇᓗᒧᑦᓯᐊᕋᓗᐊᕐᒪᖔᑕ ᓴᐳᔾᔨᒍᑕᐅᓂᐊᖅᑐᑦ ᐃᓪᓗᕙᓗᐊᖁᓇᒋᑦ ᑐᕌᖅᑕᖏᑦ ᑮᓇᐅᔭᓕᐅᕋᓱᐊᕐᓂᖅᑕᖃᕐᓂᐊᑎᓪᓗᒍ ᑲᔪᓰᓐᓇᖁᓪᓗᒋᑦ ᐊᑐᖅᑕᐅᔪᑦ ᐊᑦᑐᐃᓂᕆᒍᓐᓇᖅᑲᐃᓪᓗ ᑮᓇᐅᔭᓕᐅᕐᓂᒃᑯᑦ, ᓇᓐᒥᓂᖅ ᐃᓪᓗᖁᑎᖃᖅᑐᓄᑦ, ᐊᓯᖏᓐᓄᓪᓗ.
“ᐅᕙᒍ ᐃᑲᔪᖅᑐᐃᕗᒍᑦ ᒥᕐᖑᓯᕐᕕᓕᕆᔩᑦ ᑲᓇᑕᒥ ᐱᓇᓱᐊᖅᑕᖏᓐᓂᑦ ᓴᖀᔪᓐᓇᖁᓪᓗᒋᑦ ᒪᓕᒐᕐᓂᑦ ᐃᑲᔪᖅᓯᒪᒍᑕᐅᓂᐊᖅᑐᓂᑦ ᓄᓇᖃᖅᖄᖅᑐᑦ ᖃᓄᐃᓐᖏᑦᓯᐊᕆᐊᖃᕐᓂᖏᓐᓂᑦ ᐊᒻᒪᓗ ᓯᓈᓂ ᓄᓇᖃᖅᑐᑦ ᐱᖃᑕᐅᓗᑎᒃ. ᑳᑐᐃᓐᓇᕆᓐᖏᑕᖓᒍᑦ ᐃᒃᐱᖕᓇᖅᑑᓗᓂ ᑐᑭᖏᓐᓂᑦ ᖃᐅᓕᓇᓱᐊᖅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ, ᑎᒥᖁᑎᖏᓐᓂᑦ, ᐊᒻᒪᓗ ᐊᑐᓂᑦ ᐊᑦᑐᖅᑕᐅᑐᐃᓐᓇᕆᐊᓕᓐᓂᑦ ᑖᒃᑯᓄᖓ ᒪᓕᒐᓐᖑᖅᑎᑕᐅᔪᒪᔪᓄᑦ ᐱᒪᒋᐊᖃᕐᓂᐊᖅᑐᑦ ᑎᑭᐅᑎᓇᓱᐊᖅᑎᓪᓗᒋᑦ ᐅᐸᒍᒪᔮᓄ”
ᑐᓴᓚᐅᖅᑕᕗᑦ ᐅᑯᐊ ᐅᖃᐅᓰᑦ ᐱᓯᒪᔪᑦ ᓄᓇᖃᖅᖄᖅᓯᒪᔪᑦ ᑎᒥᖁᑎᖏᓐᓂᑦ:
• ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᕕᖏᑕ ᐃᓂᖏᓐᓂ ᒪᓕᒐᐃᒃ ᐊᒻᒪᓗ ᐱᓕᕆᐊᒃᓴᑦ ᐋᖅᑭᑦᑕᐅᓯᒪᔪᑦ ᐊᑐᓕᖅᑎᑕᐅᖏᐊᖃᕐᓂᖏᑦ ᐅᐱᒍᓱᒋᐊᖃᖅᐳᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᐱᔪᓐᓇᐅᑎᖏᓐᓂᑦ ᐊᖏᕈᑕᐅᓯᒪᔪᓂᓪᓗ, ᐊᓯᖏᓐᓂᓪᓗ ᑐᓐᖓᕕᖃᖅᑐᓂᑦ ᑎᑎᖅᑲᒻᒪᕆᑦᑎᒍᑦ ᐊᖏᕈᑕᐅᓯᒪᔪᓂᑦ ᓲᕐᓗ ᓯᓚᕐᔪᐊᕐᒥ ᑲᑎᒪᔨᕐᔪᐊᖏᓐᓄᑦ ᐅᖃᖅᑕᐅᒻᒪᕆᑦᓯᒪᔪᓄᑦ ᐱᔪᓐᓇᐅᑎᖏᓐᓄᑦ ᓄᓇᖃᖅᑳᖅᑐᑦ.
• ᒪᓕᒐᓐᖑᖅᑎᑕᐅᔪᒪᔪᖅ ᐱᓇᓱᐊᕐᕕᐊᕆᐊᖃᓐᖏᑦᑐᑦ ᐱᔪᓐᓇᐅᑎᓂᑦ−ᑐᓐᖓᕕᓖᑦ ᖃᓄᐃᓕᐅᕈᑎᖏᓇᓱᐊᖅᑕᖏᓐᓂᑦ, ᐅᕝᕙᓘᓐᓃᑦ ᐊᓪᓛᑦ ᐅᓪᓗᒥ ᐋᖅᑭᑦᑕᐅᓯᒪᔪᓂᑦ ᐃᓪᓗᖁᑎᒻᒪᕆᖏᓐᓄᑦ ᐅᕝᕙᓗ ᐱᓕᕆᐊᕆᔭᖏᓐᓄᑦ − ᓲᕐᓗ ᓴᖏᔪᑦ ᐅᒥᐊᑦ − ᐊᑐᖅᑕᐅᔪᓐᓇᖅᑐᓄᓪᓗ ᐱᔪᓐᓇᐅᑎᑖᕋᓱᑦᑐᑦ ᐱᓕᕆᓂᖏᓐᓄᑦ.
• ᐊᐅᓚᑦᑎᖃᑎᖃᕐᓃᑦ−ᒐᕙᒪᓕᕆᓂᒃᑯ ᐋᕿᒃᓯᒪᔪᑦ ᐊᒻᒪᓗ ᐃᓕᓴᕆᔭᐅᓯᒪᔪᑦ ᑯᐃᓐ ᑭᒡᒐᖅᑐᐃᔨᖏᓚᐅᖅᑕᖏᑦ ᐃᓕᓴᕆᔭᐅᒋᐊᓖᑦ ᒪᓕᒐᓕᐊᕆᓚᐅᖅᑕᖏᑦ. ᐊᖏᕈᑏᑦ ᑐᑭᓯᒍᑕᐅᔪᓐᓇᖅᑐᑦ ᐊᑦᑐᐊᔪᓂᑦ ᓄᓇᖃᖅᑳᖅᓯᒪᔪᓄᑦ−ᑐᑭᒧᐊᑦᑎᑦᓯᒍᑕᐅᔪᓂᑦ ᒪᓕᒐᓐᖑᖅᑎᑕᐅᔪᓂ ᐊᑦᑐᓐᖏᒍᓐᓇᖅᑎᑕᐅᓂᐊᖅᐸᑕ.
• ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᑦ ᐃᓚᐅᔭᕆᐊᖃᖅᑐᑦ ᐃᓱᒪᓕᐅᕐᓂᐊᑎᓪᓗᒋᑦ ᐊᑦᑐᐊᔪᓂᑦ ᐊᑐᓕᖅᑎᑕᐅᓂᐊᖅᑎᓪᓗᒍ ᒪᓕᒐᓐᖑᖅᑎᑕᐅᔪᒪᔪᖅ. ᐃᓚᖏ ᐱᓕᕆᖃᑕᐅᔪᑦ ᓇᓗᓇᐃᖅᓯᓚᐅᖅᑐᑦ ᐱᔪᒪᔭᒥᓂᑦ ᐊᑐᕐᓗᑎᒃ ᐱᔪᓐᓇᐅᑎᖃᖅᑎᑦᓯᒍᑕᐅᔪᓂᑦ ᐱᔪᓐᓇᐅᑎᑖᖅᑎᑦᓯᒍᑕᐅᓂᐊᖅᑐᑦ ᐱᓪᓗᒋᑦ ᐊᐅᓚᑦᓯᒍᑕᐅᓗᑎᓪᓗ ᒪᓕᒐᖅ ᒪᓕᑦᑕᐅᑦᓯᐊᕋᓗᐊᕐᒪᖔᑦ ᐊᑐᓕᖅᑎᑕᐅᔪᖅ ᒥᓂᔅᑕᒧᑦ.
• ᓯᑯ ᐊᑑᑎᖃᕐᒪᑦ ᐅᑭᐅᖅᑕᖅᑐᒥ ᐆᒪᔪᓐᓇᖅᑐᓕᒫᓄᑦ ᐊᒻᒪᓗ ᐊᑐᑏᖃᑦᓯᐊᖅᑐᓂ ᐃᓄᐃᑦ ᐃᓅᓇᓱᐊᕈᑎᖏᓐᓄᑦ ᐱᖅᑯᓯᖏᓪᓗ ᑲᔪᓯᓯᒪᔪᓐᓇᖁᓪᓗᒍ. ᑕᐃᒪᐃᒻᒪᑦ,
o ᒪᓕᒐᓕᐊᑦ ᐱᑕᖃᖅᑎᑦᓯᒋᐊᖃᖅᑐᑦ ᑕᐃᒫᑦᑕᐅᖅ ᓴᐳᔾᔭᐅᖁᓪᓗᒋᑦ ᓯᑯᐃᑦ ᓱᕐᓗ ᓄᓇ ᐊᒻᒪᓗ ᐃᒪᖅ ᓴᐳᑎᔭᐅᓂᖓᓄᑦ, ᐊᒻᒪᓗ
o ᐱᓕᕆᐊᕈᓘᔭᐃᑦ ᐊᒻᒪᓗ ᐃᓪᓗᖁᑏᑦ ᐊᑐᖅᑕᐅᔪᓐᓇᖅᑐᑦ ᐊᐅᓚᑕᐅᑦᓯᐊᕆᐊᖃᖅᑐᑦ ᓇᑉᐸᖅᑕᐅᓯᒪᔪᑦ ᐊᑐᐃᑲᒻᒪᖏᒃᑲᓗᐊᕐᒪᖔᑕ ᓯᑯᐃᑦ ᐊᐅᓚᓂᖏᓐᓂᑦ.
• ᒥᕐᖑᐃᓯᕐᕕᓕᕆᔩ ᑲᓇᑕᒥ ᓇᓗᓇᐃᖅᓯᒋᐊᖃᖅᑐᑦ ᖃᓄᖅ ᐊᔾᔨᒌᖏᓐᓂᖏᓐᓂᑦ ᒐᕙᒪᓕᕆᔨᕐᔪᐊᒃᑯᑦ ᒪᓕᒐᓕᐅᕐᕕᐊᓂ, ᐊᑐᕆᐊᓖᑦ, ᐊᒻᒪᓗ ᓄᓇᖃᖅᖄᖅᓯᒪᔪᓪᓗ ᑐᓴᐅᒪᑎᑕᐅᒋᐊᖃᕐᓂᖏᓐᓂᑦ ᑐᓴᐅᒪᑎᑦᓯᓗᑎᓪᓗ ᐱᓕᕆᐊᖑᔪᓪᓗ ᑲᑐᔾᔭᐅᑦᓯᐊᖁᓪᓗᖏᑦ ᓄᓇᖃᖅᖄᖅᓯᒪᔪᑦ ᐱᓕᕆᖃᑕᐅᑦᓯᐊᖁᓪᓗᒋᑦ ᓴᒻᒥᔭᐅᓂᐊᖅᑎᓪᓗᒋᑦ ᐃᓱᒫᓘᑎᐅᔪᑦ.
“ᑕᕆᐅᑉ ᓯᑯᖓ ᑕᓪᓗᕈᑎᐅᑉ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᓯᒪᕕᖓᑕ ᐃᓂᖓᓂ ᓯᑯᓯᒪᓕᕋᐃᒻᒪᑦ ᐊᑐᖅᑕᐅᕙᑦᑐᓂᓗ ᐃᓄᓐᓄᑦ ᐱᒋᐊᖅᑐᓂ ᓄᕕᐱᕆ ᐊᓂᒍᓕᖅᑎᓪᓗᒍᓗ ᑎᑭᑦᑐᒍ ᔫᓂᐅᑉ ᓄᓐᖑᐊ, ᓲᕐᓗ ᓈᓴᐅᑎᑎᒍᑦ ᑕᑯᒐᔭᕈᑦᑎᒍ 2/3 ᐊᕌᒎᑉ ᐃᓗᐊᓂ, ᑕᕆᐅᑉ ᓯᑯᖓ ᓲᕐᓗ “ᓄᓇ”. ᑕᕆᐅᑉ ᓯᑯᖓ ᐊᑐᖅᑕᐅᕙᑦᑐᖅ ᐅᓄᖅᑐᓄᑦ, ᓲᕐᓗ ᑮᓇᐅᔭᓕᐅᕋᓱᐊᖅᑎᕐᔪᐊᑦ ᐳᓚᕋᖅᑎ, ᐊᐅᓪᓛᖅᑎᑦᑎᔨ, ᕿᓂᖅᑎ, ᐅᕝᕙᓘᓃᑦ ᐊᑐᖅᑐ ᐃᓄᐃᑦ ᐱᔪᓐᓇᐅᑎᖏᓐᓂ.ᑳᓪᓚᓴᖅᑭᖅᓯᔪᖃᕐᓂᐊᖅᐸᑦ ᒪᓕᒐᐅᓂᐊᖅᑐᓂᑦ ᐊᐅᓚᑦᓯᒍᑎᑦᓯᐊᕙᐅᓂᐊᖅᑐᓂᑦ ᐱᑕᖃᕆᐊᓕᒃ ᐊᑲᐅᙱᓕᐅᕈᑎᑕᖃᑳᓪᓚᓕᕐᓂᖅᐸᑦ ᓴᐳᔾᔨᒍᑎᑦᓯᐊᕙᐅᓂᐊᖅᑐᓂᑦ ᐊᕙᑎᑦᑎᓐᓂ ᐃᓗᐊᓂ ᑲᓇᑕᒥ ᑕᕆᐅᕐᒥᐅᑕᓂᑦ ᓴᐳᔾᔨᒍᑎᐅᓇᓱᐊᖅᑐᓂᑦ, ᑕᕆᐅᑉ ᓯᑯᖓ ᐃᓱᒪᒋᔭᐅᖃᑕᐅᑦᑎᐊᕆᐊᖃᖅᐳᑦ ᑖᒃᑯᓇᓂ ᒪᓕᒐᓕᐊᖑᓂᐊᖅᑐᓂ.”
ᖃᔅᓯᑲᓪᓚᑦ ᓄᓇᖃᖅᑳᖅᓯᒪᙱᑦᑐᑦ ᑲᑐᔾᔨᖃᑎᒌᑦ ᐅᖃᐅᓯᖃᓚᐅᖅᐳᑦ ᐊᔾᔨᐸᓗᖏᓐᓂᒃ ᑕᐅᑐᖅᑰᖅᑕᐅᔪᓂᒃ ᐱᒻᒪᕆᐅᓂᖓᓂᒃ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᑦ ᐊᒻᒪ ᑕᐃᒎᓯᖏᑦ, ᑐᑭᓯᓇᕐᓗᑎᒃ ᓇᓗᓇᐃᖅᓯᒪᓗᑎᒃ ᑭᑭᑕᐅᓯᒪᔪᑦ ᐱᔪᓐᓇᐅᑎᒋᔭᐅᔪᓂᒃ−ᑐᙵᕕᓖᑦ ᐱᓕᕆᐊᓂᒃ, ᐃᑲᔪᖅᓱᐃᓗᑎᒡᓗ ᐊᐅᓚᑦᑎᖃᑎᒌᓂᒃ ᐅᕝᕙᓘᓐᓃᑦ ᐊᐅᓚᑦᑎᖃᑎᒌᖕᓂᕐᒧᑦ ᐋᖅᑭᒃᑕᐅᓯᒪᔪᓂᒃ.
ᐊᓯᖏᑦ ᑭᐅᔪᑦ ᓇᓗᓇᐃᖅᓯᓚᐅᕐᒥᔪᑦ ᐊᒥᓱᒐᓚᖕᓂᑦ ᐱᒻᒪᕆᐅᔪᓂᑦ ᐃᓱᒪᒋᔭᑦᑎᓐᓂᑦ ᐋᖅᑭᒃᓱᐃᑎᓪᓗᑕ ᒪᓕᒋᐊᓕᖕᓂᑦ:
• ᖃᐅᔨᒪᓇᓱᐊᕐᓗᒋᑦ ᐃᓱᒪᓕᐊᕆᔭᐅᔪᑦ ᐊᑐᖁᔭᐅᓐᖏᑦᑐᓅᓕᖓᔪᑦ ᒪᓕᒐᓕᐊᖑᔪᑦ ᑐᓐᖓᕕᖃᑦᓯᐊᕋᓗᐊᕐᒪᖔᑕ ᖃᐅᔨᓴᖅᑐᓕᕆᔨᒻᒪᕆᓐᓄᑦ ᖃᐅᔨᔭᐅᓯᒪᔪᓂᒃ.
• ᓴᓇᔭᐅᕙᓪᓕᐊᔪᑦ ᐊᓯᔾᔨᒐᒃᓴᐅᓗᑎᒃ ᑭᐅᔪᑕᐅᔪᓐᓇᕆᐊᖃᕐᓂᖏᑦ ᐊᑦᓱᕈᖅᑎᑕᐅᔪᖃᓕᕐᓂᖅᐸᑦ ᓯᓚᑖᓂᑦ ᐱᓯᒪᔪᓂᑦ ᓲᕐᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐅᕝᕙᓘᓐᓃᑦ ᓄᑖᓂᒃ ᐃᖃᓗᒐᓱᒍᓯᕐᓂᒃ.
• ᐱᓕᕆᖃᑎᒋᓗᒋᑦ ᑲᓇᑕᒥ ᐊᕕᒃᑐᖅᓯᒪᔪᓂ ᐊᒻᒪ ᓄᓇᕘᒥ ᒐᕙᒪᐃᑦ ᖃᐅᔨᓇᓱᒡᓗᒋᑦ ᐊᒃᑐᐃᔾᔪᑕᐅᑐᐃᓐᓇᕆᐊᓖᑦ ᒪᓕᖓᓐᖑᖅᑎᑕᐅᔪᓄᑦ ᐊᐅᓚᑦᑎᔾᔪᑎᒃᓴᓄᑦ ᓄᓇᓂᒃ ᖃᓂᒋᔭᖓᓄᓪᓘᓐᓃᑦ ᑲᓇᑕᒥ ᑕᕆᐅᕐᒥᐅᑕᐃᑦ ᑕᐳᔾᔨᓇᓱᐊᕐᕕᐅᔪᑦ ᐃᓂᖏᓐᓂᑦ.
• ᐃᓕᓴᕆᓗᒋᑦ ᑲᓇᑕᒥ ᑕᕆᐅᕐᒥᐅᑕᓂᑦ ᐊᑐᓗᐊᖅᑕᐃᓕᒪᕝᕕᐅᓲᑦ ᑕᓯᕐᔪᐊᑦ (Great Lakes) ᐊᕙᑎᖓᓂ ᐊᔾᔨᒌᙱᑦᑐᓂᒃ ᐊᑐᐊᒐᖃᕆᐊᖃᑐᐃᓐᓇᕆᐊᖃᕐᓂᖏᓐᓂᒃ ᐊᒻᒪ ᒪᓕᒋᐊᓕᖕᓂᒃ ᐊᓯᖏᓐᓂᒃ ᐃᒪᕐᒥᐅᑕᖃᕐᕕᐅᔪᓂᒃ.
• ᐊᖏᒡᓕᒋᐊᕐᓗᒍ ᐊᑐᖅᑕᐅᓂᖓ ᑐᒃᓯᕋᐅᑕᐅᓯᒪᔪᑦ ᒪᓕᒋᐊᓖᑦ ᐃᒪᕐᒥᐅᑕᓕᒫᓄᑦ ᐊᐅᓚᑕᐅᔪᓄᑦ ᒥᕐᖑᐃᓯᕐᕕᓕᕆᔨᓄᑦ ᑲᓇᑕᒥ, ᑲᓇᑕᒥ ᐃᒪᖕᒥᐅᑕᑐᐊᓂᒃ ᐱᐅᖅᓱᐊᕐᕕᐅᔪᓐᓇᖅᑐᓂᒃ.
• ᐊᑐᐃᓐᓇᐅᑎᑦᑎᓗᑎᒃ ᐃᓚᐅᕝᕕᐅᒃᑲᓐᓂᕈᓐᓇᖅᑐᓂᒃ ᐊᐅᓚᑦᑎᔾᔪᑎᓂᒃ ᐱᕙᓪᓕᐊᑎᑦᑎᑎᓪᓗᒋᑦ.
ᓈᓴᐅᑎᓕᒃ 2.
ᑐᓴᓚᐅᖅᑕᕗᑦ ᒥᑦᓵᓄᑦ ᓴᐳᔾᔭᐅᒋᐊᖃᕐᓂᖏᑦ ᓄᓇᑐᐃᓐᓇᒦᓐᖓᖅᑐᑦ ᐊᒻᒪᓗ ᐱᖅᑯᓯᑐᖃᐃᑦ
ᓇᐃᓈᖅᓯᒪᔪᖅ ᐸᐃᑉᐹᖅ ᓄᓇᒥᙶᖅᑐᑦ ᐊᒻᒪ ᐱᖅᑯᓯᑐᖃᕐᒨᓕᖓᔪᑦ ᓇᓗᓇᐃᖅᓯᕗᑦ ᑐᑦᓯᕋᐅᑎᐅᔪᓂ ᐱᔾᔪᓰᑦ ᓴᙱᒃᑎᒋᐊᕈᑕᐅᖁᓪᓗᒋᑦ ᐱᕈᖅᑐᓄᑦ, ᐆᒪᔪᕐᓄᑦ, ᐊᒻᒪ ᐃᑦᑕᕐᓂᓴᕐᓄᑦ, ᑕᐃᔅᓱᒪᓂᓕᑕᕐᓄᑦ, ᐊᒻᒪ ᐃᓕᖅᑯᓯᕆᔭᐅᔪᒃᑯᑦ ᐱᔾᔪᑎᒃᓴᓄᑦ ᑲᓇᑕᒥ ᐃᒪᕐᒥᐅᑕᓂᒃ ᐱᐅᖅᓱᐊᕐᕕᐅᔪᓂᒃ. ᑖᒃᑯᐊ ᐃᓚᖃᖅᐳᑦ ᑕᒪᐃᓐᓂᒃ ᖃᓄᑐᐃᓐᓇᖅ ᐊᔪᖅᑎᑕᐅᔪᓂᒃ ᐊᒻᒪ ᐱᔪᓐᓇᐅᑎᓄᑦ ᐱᔭᐅᒋᐊᓕᖕᓂᒃ.
ᑭᐅᔪᑦ ᐃᓱᒪᖃᕐᓂᖅᐸᑕ ᐱᕈᖅᑐᓂᒃ, ᓂᕐᔪᑎᓂᒃ, ᐆᒪᔪᓐᓇᖅᑐᓕᒫᓂᑦ, ᓯᑯᓂᑦ, ᐃᓕᖅᑯᓯᒃᑯᑦ ᐱᔾᔪᑎᒃᓴᓂᑦ, ᐅᕝᕙᓘᓐᓃᑦ ᐳᓛᖅᑐᑦ ᖃᐅᔨᖃᑦᑕᖅᓯᒪᔭᖏᓐᓂᑦ, ᐱᒻᒪᕆᐅᓂᖓᓂᓪᓗ ᓴᐳᔾᔨᒋᐊᖃᕐᓂᐅᑉ ᓄᓇᒥᙶᖅᑐᓂᒃ ᐊᒻᒪ ᐃᓕᖅᑯᓯᕆᔭᐅᔪᓂᒃ ᑲᓇᑕᒥ ᐃᒪᕐᒥᐅᑕᓂᒃ ᐱᐅᖅᓱᐊᕐᕕᐅᓲᓂᒃ ᑕᒪᑐᒪ ᐅᖃᐅᓯᐅᓂᖓ ᐊᖏᔪᒻᒪᕿᐅᓚᐅᖅᐳᖅ. ᐃᓚᖏᑦ ᑕᐃᒃᑯᐊ ᐅᖃᓚᐅᖅᑐᑦ ᐃᑲᔪᖅᑐᐃᔭᕆᐊᖃᖕᓂᖏᓐᓂᑦ ᐊᑐᑦᑎᐊᖅᑕᐅᒋᐊᖃᕐᓂᖏᓐᓂᑦ ᐃᒪᕐᒥᐅᑕᑦ ᓇᔪᒐᖏᑦ ᐊᑐᒃᑲᓐᓂᕈᓐᓇᖅᑐᓪᓗ.
ᑐᓴᓚᐅᖅᐳᒍᑦ ᐅᑯᓂᖓ ᐅᖃᐅᓯᐅᓯᒪᔪᓂᒃ ᓄᓇᖃᖅᑳᖅᑐᑦ ᑲᑐᔾᔨᖃᑎᒌᖏᓐᓂᑦ:
• ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᐅᔨᒪᔭᕆᐊᖃᖅᐳᑦ ᖃᓄᑐᐃᓐᓇᖅ ᐱᑦᑕᐃᓕᑎᑦᑎᔪᑦ ᓴᐳᔾᔨᔾᔪᑎᒃᓴᓂᒃ ᓄᓇᒥᙶᖅᑐᓂᒃ ᐊᒻᒪ ᐃᓕᖅᑯᓯᕆᔭᐅᔪᒃᑯᑦ ᐃᑦᑕᕐᓂᓴᕐᓂᒃ ᑐᓗᖅᑕᕈᑕᐅᕙᙱᓪᓗᑎᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᓕᖅᑯᓯᖓᓐᓄᑦ ᐱᓕᕆᔾᔪᓯᕐᓄᑦ.
• ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒋᔭᐅᔪᑦ ᑐᓴᖅᑎᑕᐅᓪᓗᐊᖅᑐᑦ ᐃᑦᑕᕐᓂᓴᕕᓂᕐᓂᒃ ᓇᓂᔭᐅᔪᓂᒃ ᐊᒻᒪ ᖃᓄᑐᐃᓐᓇᖅ ᐊᒃᑐᐃᔾᔪᑕᐅᑐᐃᓐᓇᕆᐊᓕᖕᓂᒃ ᐱᓕᕆᐊᖑᔪᓐᓇᖅᑐᓂᒃ ᐃᑦᑕᕐᓂᓴᕐᓄᑦ ᐃᑲᔫᑎᒃᓴᓂᒃ.
• ᑐᑭᖓ "ᐃᓕᖅᑯᓯᓕᕆᓂᕐᒧᑦ ᐱᔾᔪᑎᒃᓴᑦ"ᑐᑭᑖᖅᑎᑕᐅᑦᓯᐊᕆᐊᖃᖅᐳᖅ ᐅᖃᖅᑕᐅᓂᖓ
ᐊᓯᖏ ᐅᖃᐅᓯᒃᓴᐃᑦ ᐅᖃᖅᑕᐅᓚᐅᖅᑐᑦ:
• ᑐᒃᓯᕋᐅᑕᐅᓯᒪᔪᑦ ᒪᓕᖓᓐᖑᖅᑎᑕᐅᔪᒪᔪᓂ ᐱᑕᖃᖅᑎᑦᓯᓗᐊᕆᐊᖃᓐᖏᑦᑐᑦ ᐅᓄᖅᑐᓂᒃ ᑭᑭᑕᐅᔪᓐᓇᖅᑐᓂᒃ, ᐅᕝᕙᓘᓐᓃᑦ ᑭᑭᑕᐅᔪᓐᓇᖅᑐᓂᒃ ᑕᒪᐃᓐᓅᓕᖓᓗᐊᖅᑐᓂᒃ ᓴᐳᔾᔨᒍᑎᐅᔪᑦ ᐊᔪᕐᓇᖅᓯᑎᓗᐊᕐᓗᖏᑦ ᒪᓕᑦᑕᐅᒋᐊᖃᕐᓕᖏᑦ ᐆᒪᔪᑦ ᓇᔪᒐᖏᓐᓂ ᐊᓯᖏᓐᓂᒃᓗ ᐱᕕᐅᔪᓐᓇᖅᑐᓂ.
• ᑐᒃᓯᕋᐅᑕᐅᓯᒪᔪᑦ ᒪᓕᒋᐊᓕᑦ ᒪᓕᑦᑎᐊᕆᐊᖃᖅᐳᑦ ᓴᐳᔾᔭᐅᔾᔪᑎᓄᑦ ᐊᑐᐊᒐᕐᒧᑦ ᑲᓇᑕᒥ ᐃᒪᕐᒥᐅᑕᓂᒃ ᓴᐳᔾᔭᐅᓯᒪᔪᓄᑦ.* ᓲᕐᓗ, ᐃᓚᓕᐅᔾᔨᔭᐅᓗᑎᒃ ᐊᔪᖅᑎᑕᐅᔪᑦ ᐊᑖᓂ ᐃᖃᓗᒐᓱᒡᕕᖕᓂ, ᐃᒋᑕᐅᕙᓐᓂᖏᑦ ᐃᒪᕕᖕᒧᑦ, ᐊᒻᒪ ᐊᐅᓚᒍᑎᖏᓐᓂᑦ ᑯᕕᑎᑕᐅᓲᑦ ᐅᒥᐊᓂᒃ.*
• ᐊᔪᖅᑎᑕᐅᓗᑎᒃ ᐃᖅᑳᓂ−ᐃᖃᓗᓐᓂᐅᑏᑦ ᐃᓚᒋᔭᐅᔭᕆᐊᖃᙱᓚᑦ ᒪᓕᑦᑕᐅᒋᐊᓕᓐᓄᑦ. ᐃᒪᓐᓇᖔᕐᓕ, ᖃᐅᔨᓴᖅᑕᐅᖃᑦᑕᕐᓗᑎᒃ ᐊᑐᓂᑦ ᐊᑕᐅᓯᐅᓈᖅᑎᕐᓗᒋᑦ ᑐᙵᕕᒋᔭᐅᓗᑎᒃ ᐱᐅᖅᓱᐊᕐᓂᕐᒧᑦ ᑎᑭᑕᐅᓇᓱᒃᑐᑦ ᑕᒪᐃᓐᓂᒃ ᐃᑦᑕᕐᓂᓴᖃᕐᕕᖕᓂ.
• ᐃᖃᓗᓕᕆᓂᕐᒧᑦ ᐱᖁᔭᖅ ᐊᒻᒪᓗ ᐊᐅᓪᓚᖅᑎᑦᑎᓂᕐᒧᑦ ᐱᖁᔭᖅ ᓴᐳᔾᔨᓯᒪᓂᖃᓗᐊᖏᒻᒪᑦ ᑲᔪᓰᓐᓇᕈᓐᓇᖏᑦᑐᓄᑦ ᐃᖃᓗᓕᕆᓂᕐᒥᒃ ᐊᒻᒪᓗ ᐊᐅᓪᓚᖅᑎᑦᑎᓂᕐᒧᑦ ᐃᓗᐊᓂ ᑲᓇᑕᒥ ᑕᕆᐅᕐᒥᐅᑕᓂᒃ ᓄᖑᕋᐃᓗᐊᖅᑕᐃᓕᒪᓂᕐᒧᑦ ᐃᓂᐅᔪᓂᒃ. ᐊᓯᒃᑲᓐᓂᖏᓐᓂᒃ ᐊᐅᓚᑦᑎᓂᕐᒧᑦ
• ᐱᓕᕆᔾᔪᑎᓂᒃ ᐱᑕᑦᓯᕆᐊᖃᑐᐃᓐᓇᕆᐊᓕᒃ.
• ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᔪᖅᑎᑦᓯᔭᕆᐊᖃᓐᖏᑦᑐᑦ ᐅᕝᕙᓘᓐᓃᑦ ᑭᒡᓕᖃᖅᑎᑦᑎᔭᕆᐊᖃᙱᑦᑐᑦ ᐃᖃᓗᒐᓱᒍᓯᕐᓂᒃ ᐅᕝᕙᓘᓐᓃᑦ ᐊᖑᓇᓱᒍᓯᕐᓂᒃ ᓇᓗᓇᐃᖅᑕᐅᓯᒪᔪᓂᒃ ᐆᒪᔪᕐᓂᒃ.
• ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᒪᓕᒐᓕᐅᕆᐊᖃᙱᑦᑐᑦ ᐊᐅᓪᓚᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐊᒃᑐᐊᓂᓕᖕᓄᑦ ᐱᓕᕆᐊᓄᑦ ᐊᒻᒪ ᐊᐅᓚᔪᓐᓇᐅᑎᓄᑦ.ᐃᖃᓗᒐᓲᖕᓂᕐᒧ ᒪᓕᒐᖅ ᐊᒻᒪᓗ ᓇᒃᓯᐅᔾᔨᓂᒃᑯ ᒪᓕᒐᖅ ᑐᓂᓯᓯᒪᖏᑦᑐᖅ ᓈᒻᒪᒃᑐᒥ ᓴᐳᔾᔭᐅᔪᑎ ᑕᐃᑲᙵ ᐊᑐᒐᒃᓴᐅᖏᑦᑐᖅ ᐃᖃᓗᒐᓱᒡᔪᐊᕐᓂᖅ ᐊᒻᒪᓗ ᓇᒃᓯᐅᔾᔨᓂᖅ ᑕᐃᑲᓂ ᑲᓇᑕᒥ ᐃᒪᖓᓂ ᓴᐳᔾᔭᐅᔪᑎ ᐃᓂᓄ. ᐃᓚᖃᖅᑐ ᒪᓕᒋᐊᓕ ᐊᑐᕆᐊᓕ ᐊᑐᖅᑕᐅᔭᕆᐊᖃᑐᐃᓐᓇᕆᐊᓕᑦ.
• ᐃᓚᖏᑦ ᐅᖃᐅᓯᖅᑕᑦ ᐊᑐᖅᑕᐅᔪᑦ ᓇᓗᓇᐃᖅᓯᔾᔪᑕᐅᔪᓐᓇᖅᑐᑦ ᐊᔪᖅᑎᑕᐅᔪᓄᑦ ᓱᕋᐃᔪᓄᓪᓗ ᓄᓇᒥᙶᖅᑐᓂᒃ ᐱᐅᓯᑐᖃᕐᓂᒃ ᐊᑑᑎᖃᕈᓐᓇᖅᑐᑦ ᐅᓂᒃᑳᖅᓯᒪᓂᖅᓴᐅᓕᖅᐸᑕ ᐅᕝᕙᓘᓐᓃᑦ ᑐᑭᓯᓇᖅᓯᑎᑕᐅᒃᑲᓐᓂᓚᐅᖅᑎᓪᓗᒋᑦ.
• ᓴᐳᔾᔨᒍᑎᐅᓂᖅᓴᐅᓕᕐᓗᑎᒃ ᐃᓕᖅᑯᓯᑐᖃᕐᓂᒃ ᐳᓚᕋᖅᑎᑦ ᐅᐸᒍᓐᓇᙱᑉᐹᓪᓕᕋᔭᕐᒪᑕ ᐅᒥᐊᕐᔪᐊᕕᓂᕐᓂᒃ ᐊᓯᖏᓐᓂᒡᓗ ᐃᒪᐅᑉ ᐃᖅᑲᖓᓂ ᐃᑦᑕᕐᓂᓴᕐᓂᒃ.
* ᒐᕙᒪᑐᖃᒃᑯᑦ ᐃᒪᕐᒥᐅᑕᓂᑦ ᓴᐳᔾᔨᕕᖏᑕ ᐃᓂᖏᓐᓂᑦ ᓴᐳᔾᔨᓂᕐᒥ ᒪᓕᒋᐊᓕᖏᑦ (https://www.dfo-mpo.gc.ca/oceans/mpa-zpm/protection-standard-norme-protection-eng.html) ᐊᓚᒡᒐᐃᑦᓯᐊᖅᑐᓂᑦ ᑐᑭᓯᒪᔭᐅᖁᓪᓗᒋᑦ ᐊᑐᖅᑕᐅᒋᐊᖃᓐᖏᑎᑕᐅᔪᑦ ᐱᓪᓗᒋᑦ ᒐᕙᒪᑐᖃᒃᑯᓐᓄᑦ ᐃᒪᕐᒥᐅᑕᑦ ᓴᐳᒻᒥᔭᐅᖁᓪᓗᒋᑦ ᐊᕙᑎᖏᒃ, ᐱᖃᑕᐅᓪᓗᓂ ᑲᓇᑕᒥ ᐃᒪᕐᒥᐅᑕᓄᑦ ᐊᑐᓗᐊᖅᑕᐃᓕᕝᕕᖏᓐᓂ.
“ᐃᓕᓴᖅᓯᐅᒪᔪᒍᑦ ᐱᓕᕆᐊᖑᔪᑦ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐃᖃᓇᐃᔭᖅᑎᖏᓐᓄᑦ ᐱᓕᕆᖃᑎᖃᖅᑐᑎᒃ ᐃᖃᓗᓕᕆᔨᒃᑯᓐᓂᑦ, ᐃᖏᕐᕋᔫᓕᕆᔨᓂᑦ ᑲᓇᑕᒥ, ᐊᒻᒪᓗ ᓄᓇᒥᙵᖅᑐᓕᕆᔨᒃᑯ ᑲᓇᑕᒥ ᓴᖀᖃᑎᒌᒍᓐᓇᖁᓪᓗᒋᑦ ᓴᐳᔾᔨᒍᑕᐅᔪᑦ ᐱᔭᕆᐊᑐᓗᐊᓐᖏᒃᑲᓗᐊᕐᒪᖔᑕ ᐱᒻᒪᕆᐅᓂᖓᓄᓪᓗ ᒪᓕᒐᓐᖑᖅᑎᑕᐅᔪᒪᔪᖅ ᐊᑐᕋᓗᐊᕐᒪᖔᑕ ᓄᑖᓂᑦ ᒐᕙᒪᓕᕆᔨᕐᔪᐊᒃᑯᑦ ᑐᕌᖅᑕᖏᑦ ᓴᐳᔾᔭᐅᔪᑏᑦ ᐃᓂᓄᑦ ᓈᒻᒪᒃᑲᓗᐊᕐᒪᖔᑕ. ᑐᓐᖓᕕᐅᔪᓂᓪᓗ ᐊᑐᑦᓯᐊᕋᓗᐊᕐᒪᖔᑕ ᓯᕗᓂᕐᒥ ᐊᑯᓂ ᐊᑐᖅᑕᐅᒋᐊᖃᕐᓂᐊᕐᓂᖓ ᐱᓪᓗᒍ, ᖃᓄᐃᑦᑑᒐᓗᐊᖅᐸᑕ ᓯᕗᓂᑦᑎᓐᓂ ᐊᐅᓚᑦᓯᔨᐅᕙᑦᑐᑦ ᓂᕈᐊᖅᑕᐅᓂᒃᑯᑦ ᐃᓗᓕᖏᑦ.”
ᓈᓴᐅᑎᓕᒃ 3.
ᑐᓴᓚᐅᖅᑕᑦᑎᓐᓂ ᑮᓇᐅᔭᓕᐅᕋᓱᒃᑎᕐᔪᐊᑦ ᐱᓕᕆᕈᓘᔭᖅᑕᖏᑦ, ᓱᕈᓘᔭᖅᑎᑦᓯᔪᓂ, ᐊᒻᒪᓗ ᐊᓯᖏ ᓇᐅᒃᑯᑐᐃᓐᓇᖅ ᓄᓇᒥ ᐊᑐᖅᑐ
ᓇᓗᓇᐃᖅᓯᒪᔪ ᑎᑎᖃ ᑮᓇᐅᔭᓕᐅᕋᓱᒃᑎᕐᔪᐊᑦ ᐱᓕᕆᕈᓘᔭᖅᑕᖏ ᐊᒻᒪᓗ ᓱᕈᓘᔭᖅᑎᑦᓯᔾᔪᑎᐅᔪᑦ ᑕᐅᑐᖑᐊᖅᑕᐅᔪᓂ ᐊᑦᑐᐊᔪᓂᑦ ᐳᓚᕋᖅᑎᓄ ᐱᓕᕆᕈᓘᔭᖅᑎᑦᓯᓂᕐᒥ, ᐊᔾᔨᓕᐅᕆᓂᖅ ᐊᒻᒪᓗ ᐊᔾᔨᓕᐅᖅᓯᓂᖅ, ᓱᕈᓘᔭᖅᑐᑦ. ᑕᑕᑎᖅᓯᖕᒥᔪᖅ ᐊᖏᖅᑕᐅᓯᒪᔪᑎ ᑮᓇᐅᔭᓕᐅᕋᓱᒃᑐᓄ ᑐᕈᓐᓇᖅᑐ ᐊᑐᖅᑕᐅᑐᐃᓐᓇᕆᐊᓕᒃ ᐃᓂᐱᔭᐅᓗᓂ ᓄᓇ, ᐃᓚᖃᖅᑐᖅ ᓯᕐᒥᑦ. ᑭᐅᔭᐅᔪᑎ ᓇᓗᓇᖅᓯᓯᒪᔪᖅ ᐃᓱᒪᒋᔭᐅᔪᓂ ᐱᔪᓐᓇᐅᑎ ᐱᓕᕆᐊᖏ, ᑎᒃᑯᐊᖅᑕᐅᓯᒪᔪ ᑮᓇᐅᔭᐃᔭᐃᔾᔪᑎ ᐱᔪᓐᓇᐅᑎᓄ ᐊᒻᒪᓗ ᐊᖏᖅᑕᐅᓯᒪᔪᓄ ᐱᖃᕆᐊᓕᑦ, ᐊᒻᒪᓗ ᐃᓂ ᑕᐃᑲᓂ ᒪᓕᒐᖃᓗᐊᕕᒃᑐ ᐊᑐᖅᑕᐅᔭᕆᐊᖃᑐᐃᓐᓇᕆᐊᓕᒃ.
ᐊᑐᖅᑐᐊᖅᑕᐅᔪᑦ ᐊᒻᒪ ᓚᐃᓴᓐᓰᑦ ᓄᓇᒥᒃ ᐊᑐᕈᓐᓇᐅᑎᐅᓂᖏᑦ ᐆᑦᑑᑎᑦᓯᐊᕙᐅᕗᑦ ᒥᕐᖑᐃᓯᕕᓕᕆᔨᒃᑯᓐᓄᑦ ᑲᓇᑕᒥ ᐱᓕᕆᐊᖑᔪᓐᓇᕐᓂᖏᓐᓂᒃ ᐱᓕᕆᕝᕕᖏᓐᓂ ᐅᕝᕙᓘᓐᓃᑦ ᐊᐅᓚᔪᓐᓇᐅᑎᐅᔪᓐᓇᕐᓗᑎᒃ ᓲᕐᓗ ᑐᓚᒃᑕᕐᕕᖕᓄᑦ ᐊᒻᒪ ᐃᒪᐅᑉ ᐃᖅᑲᖓᓂ ᓴᕕᒐᐅᔭᕐᓄᑦ.
ᑕᒪᕐᒥᑦᑎᐊᖅ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᖑᔪᑦ ᐊᒃᑐᐊᔪᑦ ᐳᓚᕋᖅᑐᓕᕆᓂᕐᒧᑦ ᐳᓛᕆᐊᕐᓂᕐᒧᓪᓗ, ᓲᕐᓗ ᐅᒥᐊᒃᑯᑦ ᑕᑯᔭᖅᑐᖅᑎᑕᐅᓂᖅ, ᓵᑕᖅᑕᐅᓯᒪᔪᓄᑦ, ᐅᓯᑲᖅᑕᕐᓂᕐᒧᓪᓗ ᐱᔨᑦᑎᕋᕐᓂᕐᒥ, ᑮᓇᐅᔭᓕᐅᕋᓱᖑᓐᓇᐅᑎᑖᕆᐊᖃᖅᑐᑦ ᐱᓕᕆᓂᐊᖅᑎᓪᓗᒋᑦ.
ᓄᓇᖃᖅᑳᖅᑐ ᑎᒥᖁᑎᖏᓂᑦ ᐱᓯᒪᔪᑦ:
• ᐃᓱᒪᒋᔭᐅᓂᖓ "ᓄᓇᐅᑉ ᐊᑐᖅᑕᐅᓂᖓ" ᐃᓚᐅᑎᑕᐅᔭᕆᐊᖃᖅᑐᖅ ᑕᕆᐅᑉ ᓯᑯᖓ, ᓄᓇᒧᑦ ᐃᓚᒋᔭᐅᓂᖓᓂᑦ ᑕᐅᑐᒃᑕᐅᖃᓯᐅᑎᓂᖓᓄᑦ ᐃᓄᐃᑦ ᑐᑭᓯᐅᒪᓂᖏᑦ ᐊᕙᑎᒥᑦ ᒪᓕᓪᓗᒋᑦ.
• ᑐᒃᓯᕋᐅᑕᐅᓯᒪᔪᑦ ᒪᓕᒋᐊᓕᑦ ᑐᕌᖓᔭᕆᐊᖃᖅᐳᑦ ᐃᓂᒋᔭᐅᓚᐅᑲᒃᑐᓄᑦ ᐊᒻᒪ ᐊᐅᓚᔪᓐᓇᐅᑎᓄᑦ ᑕᕆᐅᑉ ᓯᑯᖓᓂ.
• ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᖑᔪᑦ ᐱᔪᓐᓇᖅᑎᑦᑎᓂᕐᒧᑦ ᐱᓕᕆᔾᔪᓯᑦ ᐃᓱᒪᒋᔭᐅᔭᕆᐊᖃᖅᐳᑦ ᖃᓄᖅ ᐊᖏᑎᒋᖕᒪᖔᑕ ᐊᒻᒪ ᖃᓄᖅ ᐊᖏᑎᒋᖕᒪᖔᑦ ᑮᓇᐅᔭᓕᐅᕋᓱᖕᓂᕐᒧᑦ ᐳᓚᕋᖅᑐᓕᕆᓂᕐᒧᑦ ᐱᓕᕆᐊᑦ.
• ᐃᓚᖏᑦ ᓄᓇᖃᖅᑳᖅᓯᒪᔪᑦ ᓄᓇᓕᖕᓂ ᐱᓕᕆᐊᑦ, ᓲᕐᓗ ᓄᓇᓕᖕᓂ ᐊᖑᓇᓱᖕᓃᑦ, ᐃᖅᑲᐅᒪᓂᕐᒧᑦ ᐱᓕᕆᐊᑦ, ᐊᒻᒪ ᒪᒃᑯᒃᑐᑦ ᐃᓕᓐᓂᐊᖅᑎᑕᐅᔪᓐᓇᖅᑐᑦ, ᑭᑭᑕᐅᓯᒪᔭᕆᐊᖃᖅᐳᑦ ᐊᔾᔨᐅᙱᑦᑐᓄᑦ ᐱᓕᕆᐊᓄᑦ ᐱᔪᓐᓇᐅᑎᓄᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᓕᕆᐊᓄᑦ ᐱᔪᓐᓇᐅᑎᓄᑦ.
ᐊᓯᖏ ᑭᐅᔪᓯ ᐅᖃᖅᑕᐅᔪ ᓄᓇᐅᑉ ᐊᑐᖅᑕᐅᓂᖓᓄᑦ ᐱᔪᓐᓇᐅᑎᓕᓐᓂᑦ:
• ᐃᓚᖏᑦ ᑮᓇᐅᔭᓕᐅᕋᓱᐊᕐᕖᑦ, ᓲᕐᓗ ᓴᓇᕝᕕᐊᓗᖕᓂ−ᐱᕈᖅᓴᖅᓯᒪᔪᑦ ᐃᒪᕐᒥᐅᑕᓂᒃ ᐱᕈᖅᑐᓂᒃ ᐊᒻᒪ ᑮᓇᐅᔭᓕᐅᕋᓱᖕᓂᕐᒧᑦ ᓄᓇᒥᙶᖅᑐᓂᒃ ᐆᒻᒪᖅᑯᑎᓄᑦ ᐱᓕᕆᐊᑦ, ᐊᔪᖅᑎᑕᐅᔭᕆᐊᖃᖅᐳᑦ ᑲᓇᑕᒥ ᐃᒪᕐᒥᐅᑕᓂᒃ ᐱᐅᖅᓱᐊᕐᕕᐅᔪᓂᒃ.
• ᓄᓇᒥᒃ ᐊᑐᕈᒪᓂᕐᒧᑦ ᑐᒃᓯᕋᐅᑎᑦ ᖃᐅᔨᓴᖅᑕᐅᖃᑦᑕᓪᓗᐊᖅᑐᑦ ᐅᔾᔨᖅᓱᕆᐊᖃᕐᓂᕐᒧᑦ ᑐᙵᕕᖏᓐᓂᒃ.
• ᖁᑦᑎᒃᑐᒦᑦᑐᑦ ᐊᑐᖅᑕᐅᕙᒃᑐᑦ ᐊᑐᖅᑕᐅᔭᕆᐊᖃᖅᐳᑦ ᖃᐅᔨᓴᖅᓯᓂᐊᕐᓗᓂ ᐊᕙᑎᒥᒃ ᐊᒃᑐᖅᓯᓂᕆᓇᔭᖅᑕᖏᓐᓂᒃ ᓄᓇᐅᑉ ᐊᑐᖅᑕᐅᔪᒪᕙᖕᓂᖓᓄᑦ ᐱᓇᔪᒍᑕᐅᔪᓂᒃ, ᒥᕐᙳᐃᖅᓯᕐᕕᓕᕆᔨᒃᑯᓪᓗ ᑲᓇᑕᒥ ᑲᒪᒋᔭᖃᓪᓗᐊᖅᐳᑦ ᓇᐅᑦᑎᖅᓱᖅᓯᓂᕐᒥᒃ ᐊᖏᖅᑕᐅᓯᒪᔪᓂᒃ ᐱᓕᕆᐊᒃᓴᓂᒃ.
• ᓄᓇᒥᒃ ᐊᑐᕐᓂᐊᕐᓗᓂ ᐱᔪᓐᓇᖅᑎᑕᐅᓂᖅ ᓈᒻᒪᒋᐊᖃᖅᑐᖅ ᑲᓇᑕᒥ ᐊᕕᒃᑐᖅᓯᒪᔪᓂ ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᓯᕐᓄᑦ ᐊᔪᕐᓇᕈᓐᓃᖅᐹᓪᓕᖁᓪᓗᒍ ᓅᑉᐸᓪᓕᐊᓂᖅ ᑲᓇᑕᒥ ᓇᖕᒥᓂᖃᕐᓂᕐᒧᑦ ᐊᒻᒪ ᑲᒪᒋᔭᒃᓴᓄᑦ ᐃᓚᓕᐅᔾᔭᐅᓗᑎᒃ ᐋᖅᑭᒃᑕᐅᔪᓄᑦ ᐊᒻᒪ ᓴᐳᔾᔭᐅᔾᔪᑎᓄᑦ ᑲᓇᑕᒥ ᐃᒪᕐᒥᐅᑕᓂᒃ ᐱᐅᖅᓱᐊᕐᕕᐅᔪᓄᑦ.
ᐅᕚ ᑭᐅᔾᔪᑏᑦ ᐅᖃᐅᓯᒃᓴᕆᓚᐅᖅᑕᖏ ᑮᓇᐅᔭᓕᐅᕋᓱᒃᑎᕐᔪᐊᑦ ᐱᓕᕆᒍᓐᓇᖁᓪᓗᒋᑦ ᐱᔪᓐᓇᐅᑎᖏᓐᓅᖓᔪᑦ:
• ᐱᔪᓐᓇᐅᑏᑦ ᑮᓇᐅᔭᓕᐅᕋᓱᐊᖅᑐᓄᑦ ᐱᓕᕆᐊᓄᑦ ᓯᕗᓪᓕᐅᔾᔨᒋᐊᓖᑦ ᓄᓇᓕᓐᓂᑦ, ᒥᑭᔪᓂᑦ, ᑲᔪᓰᓐᓇᕈᓐᓇᖅᑐᓂᓪᓗ ᓇᒻᒥᓂᖃᖅᑎᐅᔪᓂᑦ.
• ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᓄᑦ ᐱᔪᓐᓇᖅᑎᑦᑎᓂᕐᒧᑦ ᐱᓕᕆᔾᔪᓰᑦ ᐋᖅᑭᒃᑕᐅᓯᒪᔭᕆᐊᖃᖅᐳᑦ ᓇᓗᓇᙱᓐᓂᖅᓴᐅᖁᓪᓗᒋᑦ ᑮᓇᐅᔭᓕᐅᕋᓱᖕᓂᕐᒧᑦ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᓄᑦ.
• ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕᒥ ᐊᑐᐃᓐᓇᕈᖅᑎᑦᑎᔭᕆᐊᖃᖅᐳᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᓄᑦ ᐱᔪᓐᓇᐅᑎᓂᒃ ᐳᓚᕋᖅᑐᓕᕆᔨᓄᑦ ᐊᑯᓂᐅᓂᖅᓴᖅ ᐊᑐᖅᑕᐅᓲᓂᒃ ᐊᕐᕌᒍᒥ ᐊᑕᐅᓯᕐᒥᒃ ᐋᖅᑭᒃᓯᒪᔪᓂᒃ.
• ᒥᕐᙳᐃᖅᓯᕖᑦ ᑲᓇᑕᒥ ᕿᒥᕐᕈᓪᓗᐊᖅᑐᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᖃᓄᐃᓕᐅᕈᑎᓄᑦ ᐱᔪᓐᓇᐅᑎᓂᒃ ᐊᑐᒐᔪᒃᑕᖓᒍᑦ.
• ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᕆᐊᖃᖅᐳᑦ ᐃᓕᓐᓂᐊᖅᑎᑦᑎᓗᑎᒡᓗ ᑮᓇᐅᔭᓕᐅᕋᓱᖕᓂᕐᒧᑦ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᓂᒃ ᒥᒃᖠᒋᐊᖅᑎᓐᓇᓱᒡᓗᒍ ᒪᓕᙱᓐᓂᖅ.
ᑐᓴᓚᐅᖅᑕᕗᑦ ᐱᓕᕆᔾᔪᓰᑦ ᒥᑦᓵᓅᖓᔪᑦ ᐱᔪᓐᓇᐅᑎᑖᖅᑎᑦᑎᓂᕐᒥ ᐊᒻᒪᓗ ᐊᓯᖏᓐᓄᑦ ᐱᔪᓐᓇᐅᑎᐅᔪᓄᑦ.
ᑎᓴᒪᑦ ᑕᓪᓕᒪᐃᓕᖅᑲᖓᔪᖅ ᑎᑎᖃᐃᑦ ᐃᓗᓕᖃᖅᑐᖅ ᑐᓴᒐᒃᓴᓂᑦ ᓱᐃᓛᕿᒍᒪᔪᓄᑦ ᐅᕝᕙᓘᓃᑦ ᐊᑐᖅᑐᑦ ᐱᔪᓐᓇᐅᑎᖃᕆᐊᖃᕋᔭᖅᑐᑦ ᐅᕝᕙᓘᓃᑦ ᐊᓯᖏ ᐊᖏᖅᑕᐅᓯᒪᔭᕆᐊᖃᖅᑐᑦ. ᐅᖃᐅᓯᒃᓴᓂᒃᑕᐅᓚᐅᖅᑐᒍ ᐊᑐᖅᑐᒥ ᐊᔾᔨᒌᖏᕈᓘᔭᖅᑐᓄ ᐱᔪᓐᓇᐅᑎᓕᕆᓂᕐᒥ ᐅᕝᕙᓘᓃᑦ ᐊᖏᖅᑕᐅᔪᑦ ᐊᓯᔾᔨᖅᑕᐅᔭᕆᐊᖃᖅᐸᑕ ᑕᐃᑲᓂ ᑲᓇᑕᒥ ᑕᕆᐅᕐᒥᐅᑕᕐᓂᒃ ᓴᐳᔾᔭᐅᔪᑎ ᐃᓂᖓᓂ.
ᑕᒪᐃᓐᓂᒡᓕ, ᑐᓴᓚᐅᖅᑕᕗᑦ ᒥᑭᓪᓕᒋᐊᖁᔨᔪᑦ ᐊᑭᓂᑦ ᑎᑎᕋᕐᕕᖕᒥᓪᓗ ᐊᒃᓱᕉᑕᐅᔪᓐᓇᖅᑐᓂᑦ ᑐᕌᖓᔪᓂᑦ ᓄᑖᑦ ᐊᑐᕐᑕᐅᔭᕆᐊᓖᑦ ᐱᒻᒪᕆᐅᓂᐊᖕᒪᑦ ᐊᑐᓕᕐᑎᑕᐅᑎᓕᖅᑎᓪᓗᒋᑦ. ᑐᓴᓚᐅᕆᕗᒍᑦ ᐱᓕᕆᔭᕆᐊᖃᕐᓂᑦᑎᓐᓂᒃ ᐋᖅᑭᑦᑎᐊᖅᓯᒪᖁᓪᓗᒍ ᓯᕗᓂᒃᓴᒥ ᐱᔪᓐᓇᖅᑎᑦᑎᓂᕐᒧᑦ ᐊᒻᒪ ᐱᔪᓐᓇᖅᑎᑦᑎᓂᕐᒧᑦ ᐱᓕᕆᔾᔪ ᓰᑦ ᐱᓪᓗᒋᑦ. ᑲᑎᒪᖃᑕᐅᔪᑦ ᐅᑯᓂᖓ ᐊᑐᓕᖁᔨᓪᓗᑎᒃ ᐱᖁᔨᕗᖔᓕᐅᓚᐅᖅᐳᑦ:
• ᑐᓂᐅᖅᑲᐃᒃᑲᓐᓂᕐᓗᑎ ᑐᓴᒐᒃᓴᓂ ᑕᑯᒃᓴᐅᓗᑎᓪᓗ ᐱᔪᓐᓇᐅᑎᓂᑦ ᐊᖏᖅᑕᐅᔭᕆᐊᓖᓪᓗ ᐊᒻᒪᓗ ᐃᓚᐅᔪᓅᕈᑎ ᑮᓇᐅᔭᐃᑦ.
• ᐱᔭᕆᐊᑭᓐᓂᖅᓴᐅᓗᑎᒃ ᑕᑕᑎᕆᔾᔪᑎᒎᖅᑐᑦ ᐅᓂᒃᑳᖅᑕᐅᔭᕆᐊᖃᕐᓂᖏᓪᓗ
• ᐃᖃᓇᐃᔭᖃᑎᖃᒃᓗᑕ ᐅᕙᒍᑦ ᒪᓕᒐᓕᕆᔨᖏᓐᓂ ᑐᑭᒧᐊᑦᑎᑦᓯᒍᑏᑦ ᐱᓪᓗᒋᑦ. ᐃᓚᒋᔭᐅᔾᔪᑎᒃᑰᕆᐊᖃᕋᔭᖅᑐᖅ ᐊᓯᖓᒍ ᒪᓕᒐᐃᑦ ᐊᑐᖅᑕᐅᓲᖅ ᐊᒻᒪᓗ ᐱᔪᓐᓇᐅᑏᑦ.
ᐳᓚᕋᑦᑐᓕᕆᓂᕐᒥ ᑮᓇᐅᔭᐅ ᐃᖏᕋᓂᖓᓄᑦ ᐱᓕᕆᐊᒃᓴᑦ ᓄᓇᖃᖅᖄᖅᑐᓄᑦ ᓂᕆᐅᓇᖅᑐᒃᑯ ᑮᓇᐅᔭᐃᔭᐃᔾᔪᑎ ᐊᑕᔪᑦ ᐱᔪᓐᓇᐅᑎᓄᑦ.
“ᐊᐅᓪᓚᑲᑕᒃᑎᑦᑎᔨᐅᔪᖓ ᐊᒻᒪᓗ ᑮᓇᐅᔭᓕᐅᕋᓱᖕᓂ ᐳᓚᕋᕐᑎ ᐃᖏᕋᑎᑎᔨ ᐊᒃᑐᖅᑕᐅᔪᖅ ᑖᑯᓄᖓ ᐱᔭᐅᔪᒪᔪᓄ. ᐊᑕᖏᓕᒫᖅᖢᒍ ᐊᑐᖅᑐᖓ ᐃᒃᐱᒋᓪᓗᒍ ᑖᒃᑯᐊ ᐱᔭᐅᔪᒪᔪᑦ. ᐅᖃᐅᓯᒃᓴᓕᒫᕋ ᐊᑐᕐᓂᑯᒃᑲ ᐊᖏᖅᑕᐅᔪᑎᓄ ᑮᓇᐅᔭᓕᐅᕋᓱᐊᕐᓂᒃᑯ ᐱᔪᓐᓇᐅᑎᑦ. ᐅᐸᑲᖅᑕᖅᑐᑦ ᐃᓂᐅᔪᓄ ᐸᕐᓇᐃᕙᒋᕈᒪᕙᒃᐳ ᐱᒋᐊᖏᑎᓪᓗᒍ. ᐊᑐᖅᑎᑕᐅᔪᓐᓇᕈᑦᑕ ᐊᕋᒍᓕᒫᖅ ᐱᔪᓐᓇᐅᑎ, ᓴᐳᑎᓗᒍ ᐅᓄᖅᑐᓄ ᑕᖅᑭᓄ ᐅᕝᕙᓘᓃᑦ ᐊᕋᒍᓅᖅᑕᕐᓗᒍ, ᐸᕐᓇᐃᔪᓐᓇᖅᑐᒍ ᐅᒃᐱᕐᓇᖅᑐᒃᑯᑦ. ᐊᕋᒍᑕᒫᖅᓯᐅᑎ ᑕᑕᑎᕈᑎ ᓇᓗᓇᖅᑐ ᐅᓪᓗᑦ ᓴᕿᖢᓂ ᐃᓱᒫᓘᑎᓄᑦ ᐊᐅᓪᓚᑲᑕᒃᑎᓄ ᐊᒻᒪᓗ ᐳᓚᖃᖅᑎ ᐃᖏᕋᑎᑦᑎᔨ.”
ᓈᓴᐅᑎᓕᒃ 4.ᑐᓴᓚᐅᖅᑕᕗ ᖃᐅᔨᓴᖅᑐᓕᕆᔨᒻᒪᕆᓐᓂᑦ ᐊᒻᒪᓗ ᐊᒡᕗᖅᑕᐅᕙᑦᑐᓂᑦᓇᓗᓇᐃᖅᓯᒪᔪᑦ ᑎᑎᖃᐃᑦ ᖃᐅᔨᓴᖅᑐᓕᕆᔨᒻᒪᕆᓐᓃᓐᖔᖅᑐᑦ ᐊᒡᕗᕐᐸᓪᓕᐊᔭᖏᓐᓂᑦ ᓇᓗᓇᐃᔭᖅᓯᒪᓪᓗᑎᒃ ᐱᒻᒪᕆᐅᓂᖏ, ᑕᑯᔭᒃᓴ, ᐅᕝᕙᓘᓃᑦ ᐃᓕᓐᓂᐊᕈᑎᓄ ᐱᓕᕆᐊᒃᓴᑦ ᐃᑲᔫᑎᓄ ᑐᑭᒧᐊᕐᓂᕐᒧ ᑐᕌᖅᑕᐅᔪ ᑕᐃᑲᓂ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᔪᑦ ᐃᓂᖏᓐᓂ. ᐅᓄᖅᑐᑦ ᐅᖃᐅᓯᒃᓴᑦ ᐅᖃᖅᑕᐅᓚᐅᖅᑐᑦ ᐃᑲᔪᖅᑐᐃᓚᐅᖅᑐᑦ ᒪᓕᒐᓐᖑᖅᑎᑕᐅᔪᒪᔪᖅ ᓴᖅᑭᖅᐸᑦ.
ᐅᑯᐊ ᑕᒡᕙ ᑐᓴᓚᐅᖅᑕᕗ ᓄᓇᖃᖅᖄᖅᓯᒪᔪ ᑎᒥᖁᑎᖏᓐᓂᑦ:
• ᖃᐅᔨᓴᖅᑐᓕᕆᓂᕐᒥ ᐱᔪᓐᓇᐅᑎ ᐱᖃᕆᐊᖃᖅᑐᑦ ᓄᓇᖃᖅᖄᖅᑐᓄ ᐃᖃᖅᑐᐃᕕᒃᑰᕈᑎ.
• ᐊᑐᕆᐊᓕᑦ ᖃᐅᔨᒪᔪᓯᕗ ᐊᖏᕈᑎ ᐃᖏᕋᓂᖓ ᐱᔪᓐᓇᐅᑎᓅᕈᑎ ᓄᓇᖃᖅᑳᖅᑐᓄ ᑕᐱᕇᒃ ᐱᑦᑎᐊᖅᑕᐅᔭᕆᐊᓕᒃ.
• ᕿᓂᖅᑎᑦ ᐊᑐᕆᐊᒃᑰᕆᐊᓕᑦ:
o ᒪᓕᒡᓗᒍ ᑕᑕᑎᕆᔾᔪᑎᓅᕈᑎ ᐊᒻᒪᓗ ᒪᓕᒐᓕᐅᕈᑎᔾᔪᓯᓂ ᓄᓇᖃᖅᑳᖅᑐᑦ ᓄᓇᓕᖏᑦ ᑕᐃᑯᖓ ᓄᑖᖅ ᐱᔭᐅᔪᒪᔪᑦ,
o ᓴᕿᑦᑎᓗᑎ ᐊᖏᕈᑎᓄ ᐊᒻᒪᓗ ᒪᓕᒐᓕᐅᕈᑎᒃᑰᕈᑎ ᓄᓇᖃᖅᑳᖅᑐᓂ ᓄᓇᓕᖕᓂ ᐃᓱᒫᓘᑎᓄ ᕿᓂᕐᓂᖅ,
o ᐃᓚᐅᓗᑎ ᓄᓇᓕᖕᒥᐅᑦ ᕿᓂᕐᓂ ᐱᓕᕆᕈᓘᔭᖅᑐᑦ, ᐊᒻᒪᓗ
o ᐊᑐᕆᐊᖃᖏᑕᒥᓂ ᕿᓂᕐᓂᒃᑯᑦ ᐊᒻᒪᓗ ᐊᒡᕗᕐᓂᑯ ᐱᓕᕆᕈᓘᔭᖅᑐᑦ ᐅᒃᐱᕆᔭᓕᑦ ᓇᖕᒥᓂᒃᑯ ᐃᓂ ᐃᓗᐊᓂ ᑲᓇᑕᒥ ᐊᒪᖓᓄ ᓴᐳᔾᔭᐅᓯᒪᔪ ᐃᓂᑦ.
ᐊᓯᑭᑦ ᑭᐅᔪᑦ ᑕᐃᓯᓚᐅᖅᑐ ᐅᑯᓂᖓ:
• ᑕᑕᑎᕆᔾᔪᑎ ᐊᑐᕆᐊᖃᖅᑎᑕᐅᔭᕆᐊᓕ ᐊᑐᒃᑲᓐᓂᕐᓗᒍ ᐱᔪᓐᓇᐅᑎᓄ ᑐᓴᖅᑕᐅᔪᑎ ᑐᓂᔭᐅᔪ ᒐᕙᒪᒃᑯᓐᓄ ᐋᕿᒃᓱᐃᔨᖏᓐᓄ ᐅᕝᕙᓘᓃᑦ ᐱᔪᓐᓇᐅᑎ ᑕᐃᑯᓄᖓ ᐋᕿᒃᓱᐃᔨᑦ.
• ᐃᖃᓗᒐᓱᒡᔪᑎᓄ ᓇᐃᓴᐃᔾᔪᑎ ᐊᒻᒪᓗ ᐊᒡᕗᖅᑐᓄ ᖃᐅᔨᓴᕈᑎ ᒪᓕᒐᖅ ᐃᖃᓗᓕᕆᔨ ᐊᒻᒪᓗ ᐊᒪᕐᒥᐅᑕᓕᕆᔨ ᑲᓇᑕᒥ, ᐃᓚᖃᖅᑐ ᓇᐃᓴᐃᔾᔪᑎ ᐊᒻᒪᓗ ᖃᐅᔨᓴᖅᑕᐅᔪᑎ ᐃᖏᕋᑎᑕᐅᓗᑎ ᐊᑐᖅᑐᒃᑯ ᓇᐃᓴᖅᑕᐅᔪᑎᒃᑯᑦ, ᑮᓇᐅᔭᐃᔭᕈᑎᒃᑯᕆᐊᓕᒃ ᑕᐅᑯᓇᙵ ᕿᓂᖅᑎᓄ ᐱᔪᓐᓇᐅᑎ ᐊᒻᒪᓗ ᐱᖃᕆᐊᓕᑦ.
• ᒐᕙᒪᓕᒫᖅᓕᕆᓂᒃᑰᕆᐊᓕᒃ ᐊᖏᕈᑎ ᑐᓴᐅᒪᔪᑎᒃᑯ − ᐅᕝᕙᓘᓃᑦ ᐃᓗᓕ−ᑐᓂᓯᖃᑦᑕᐅᑎᓂᖅ ᓴᕿᑕᐅᔭᕆᐊᓕᒃ.
• ᕿᓂᕐᓂᖅ ᐊᑐᖅᑐᒃᑯ ᓯᓚᐅ ᐊᓯᔾᔨᖅᐸᓪᓕᐊᓂᖓ ᐊᒻᒪᓗ ᑲᓇᑕᒥ ᐊᒪᖓ ᓴᐳᔾᔭᐅᓯᒪᔪᖅ ᐃᓂ ᑐᑭᒧᐊᕈᑎᓄ ᑐᕌᖅᑐᑦ ᐊᒻᒪᓗ ᐱᔪᒪᔭᖏᑦ ᐱᔭᐅᔪᒪᖄᕆᐊᓕᑦ. ᐲᖅᓯᕕᐅᔭᕆᐊᖃᖏᑦᑐᖅ, ᐊᒃᑐᐃᔭᐅᓗᐊᕆᐊᖃᖏᑦᑐᖅ ᕿᓂᕐᓂᒃᑯ ᐊᑐᕈᓯᖏ ᐊᑐᖅᑕᐅᔭᕆᐊᖃᖅᑐᑦ.
• ᐱᔪᓐᓇᐅᑎᒃᑰᕈᑎ ᐊᓯᐊᒍ ᐃᖃᖅᑐᐃᔨᓕᕆᔩ ᐊᒻᒪᓗ ᓄᓇᖃᖅᖄᖅᑐ ᑕᐱᕇ ᑐᓴᐅᒪᑎᑕᐅᑎᐊᕆᐊᖃᖅᑐᑦ ᑐᓴᐅᒪᖃᑎᒌᒍᑎᒃᑯ ᑕᑕᑎᕆᔪᓄᑦ.
• ᕿᓂᕐᓂᒃᑯ ᐱᔭᐅᔪᒪᔪᑎ ᐊᒻᒪᓗ ᓴᕿᑦᑐ ᐋᕿᒃᑕᐅᔭᕆᐊᓕ ᑭᒃᑯᓕᒫᖅᑎᑎᓂᒃᑯ ᒪᓂᒪᓗᓂ.
ᓈᓴᐅᑎᓕᒃ 5.
ᑐᓴᓚᐅᖅᑕᕗ ᐳᓛᖅᑐ ᐊᑐᕐᓂᑯᖏ ᐊᒻᒪᓗ ᑭᒃᑯᓕᒫᖅ ᐊᑐᖅᑕᖏ
ᓇᐃᓈᖅᓯᒪᔪᑦ ᑎᑎᖃᖏᓐᓂ ᐅᖃᐅᓯᐅᔪᑦ ᐳᓚᕋᖅᑎ ᐊᑐᕐᓂᑯᖏᓐᓂᑦ ᐊᒻᒪᓗ ᑭᒃᑯᓕᒫ ᐊᑐᖅᑕᖏᓐᓂ ᓇᓗᓇᐃᖅᓯᓯᒪᓪᓗᑎᒃ ᑐᑦᓯᕋᖅᑕᐅᔪᑦ ᑐᑭᒧᐊᒍᑏᑦ ᐃᓗᓕᖏᓐᓂ ᐱᓕᕆᕈᓘᔭᖅᑐᑦ ᓲᕐᓗ ᓱᐃᓛᕿᒍᑏᑦ ᐅᒥᐊᑦ, ᐊᐅᓪᓛᕐᓂᖅ, ᐊᒻᒪᓗ ᐊᖅᑲᐅᒪᔫᖅᑏᑦ. ᑐᓴᖅᑕᐅᔪᑎᓕᒫᑦ ᐃᑲᔪᓚᐅᖅᑐᖅ ᐊᑐᕐᓂᖅ ᑲᓇᑕᒥ ᐃᒪᖓᓂ ᓴᐳᔾᔭᐅᓯᒪᔪ ᐃᓂᖏᓐᓂ ᓱᐃᓛᕿᒍᑎᓄᑦ, ᖃᐅᔨᓴᖅᑐᓕᕆᓂᕐᒥ, ᐊᒻᒪᓗ ᓄᓇᒥᖔᖅᑐᑦ ᐊᒻᒪᓗ ᐱᖅᑯᓯ ᐃᒻᒪᕐᓂᓴᐃᑦ.
“ᓇᓗᓇᐃᕆᓯᒪᑦᓯᐊᖅᑐᑦ ᓴᐳᔾᔨᒍᑎᐅᔪᑦ ᐆᒪᔪᓂᑦ ᐊᔾᔨᒌᙱᑦᑐᓂᑦ ᓴᖅᑮᐳᓐᓇᖅᑐᑦ ᑲᒪᖅᓯᐊᕈᓯᓂᑦ, ᒪᓕᒐᓕᐊᖑᔪᑦ ᑕᐃᒪᐃᒻᒪᑦ ᑕᑯᒃᓴᐅᑎᑦᑎᔭᕆᐊᖃᖅᐳᑦ ᑐᕌᒐᖃᕐᓗᑎᒃ ᓴᐳᔾᔨᔾᔪᑎᒃᓴᑦᑎᐊᕙᐅᓛᓂᒃ. ᐅᖃᐅᓯᖅᑕᖏᑦ ᐊᑐᖅᑕᐅᔪᑦ ᒪᓕᒐᐃᑦ ᐅᖃᖅᓯᒪᑦᑎᐊᕐᓂᖅᓴᐅᔭᕆᐊᓕᒃ ᐳᓛᖅᑎᓄᑦ ᐊᑐᖅᑕᐅᔪᑦ ᑲᔪᓰᓐᓇᕈᓐᓇᖅᑐᓪᓗ ᐱᓪᓗᒋᑦ ᐊᑐᖅᑕᐅᑦᓯᐊᕋᓱᐊᖅᑐᑦ ᖃᓪᓖᓯᒪᔭᕆᐊᖃᓐᖏᑦᑐᑦ ᐱᒻᒪᕆᐅᓂᖓᓂᒃ ᐊᕙᑎᒥᒃ ᓴᐳᔾᔨᓯᒪᒋᐊᖃᕐᓂᕐᒥᑦ ᐊᑐᓗᐊᑦᑕᐃᓕᒪᑎᑦᓯᓂᕐᒥᓗ. ᑭᑭᑕᐅᔪᓐᓇᕋᓗᐊᖅᑐᑎᒃ ᐃᓅᓯᖃᑦᑎᐊᕐᓂᕐᒨᓕᖓᔪᓄᑦ ᐊᒻᒪ ᐃᓕᖅᑯᓯᕐᒧᑦ/ᐱᖅᑯᓯᑐᖃᕐᒧᑦ, ᐊᑐᓗᐊᑦᑕᐃᓕᒪᓂᐅᑉ ᑲᒪᒋᔭᐅᓂᖓ ᓯᕗᓪᓕᐅᔾᔭᐅᓯᒪᐃᓐᓇᕆᐊᖃᖅᐳᖅ.”
ᓄᓇᖃᖅᑳᖅᑐ ᑎᒥᖁᑎᖏᑕ ᑐᓂᔭᖏ ᐅᑯᐊ ᑕᐃᔭᐅᔪ:
• ᒪᓕᒐᐃᑦ ᐃᓕᓴᖅᓯᓯᒪᔭᕆᐊᓖᑦ ᓄᓇᖃᖅᑳᑐ ᐊᓯᕙᕈᓯᖏᓐᓂᑦ ᐅᓚᕕᓴᖅᑕᐅᒋᐊᖃᕋᑎᒃ ᐳᓚᕋᑎᓄᑦ.
• ᐱᓕᕆᕈᓘᔭᕐᓃᑦ ᑕᕆᐅᑉ ᓯᑯᖓᓂ, ᓲᕐᓗ ᐊᐅᓪᓛᖅᓯᒪᔪᓄᑦ ᐊᑐᖅᑕᐅᓂᖏᓐᓄᓪᓗ ᐊᐅᓚᐅᑎᓅᖅᑐᑦ ᐃᖏᕋᔫᑦ, ᐊᑐᖅᑕᐅᔭᕆᐊᓖᑦ ᓲᕐᓗ ᓄᓇᑐᐃᓐᓇᕐᒦᑦᑐᑎᑐᑦ ᐅᕝᕙᓘᓃᑦ ᐊᓪᓛᑦ ᐃᖅᑳᓃᑦᑐᑦ ᐊᒻᒪᓗ ᐃᒪᕐᒨᓕᖓᔪᑦ.
ᐅᒡᕙ ᑐᓴᓚᐅᖅᑕᕗ ᐊᓯᖏᓐᓂ ᐅᖃᐅᓯᐅᒋᐊᓚᐅᖅᑐᓂ:
• ᐳᓛᖅᑐᑦ ᐱᔪᓐᓇᐅᑎᑖᕈᒪᒋᖃᓐᖏᑦᑐᑦ ᐅᕝᕙᓘᓃᑦ ᐃᓂᑦᓴᓕᐅᕐᓗᑎᒃ ᐊᐅᓪᓛᖅᓯᒪᒍᒪᓗᑎᒃ ᑕᐃᑲᓂ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᓯᒪᕕᖓᑕ ᐃᓂᖏᓐᓂ.
• ᒥᕐᖑᐃᓯᕐᕕᓕᕆᔨᒃᑯ ᑲᓇᑕᒥ ᐃᑲᔪᕈᓐᓇᖅᑐᑦ ᐳᓛᖅᑐᓂ ᖃᐅᔨᑎᑦᓯᓗᑎᒃ ᐃᓕᓐᓂᐊᑎᑦᓯᓂᒃᑯᑦ ᒪᓕᑦᑕᐅᔭᕆᐊᓕᓐᓂᑦ, ᑭᒃᑯᓕᒫᓄᑦ ᑐᓴᐅᒪᔪᑎᖏᑎᒍᑦ, ᐊᒻᒪᓗ ᐊᕿᓖᑎᑦᓯᓗᑎᒃ. ᐃᑲᔫᑎᖃᕐᓂᐊᕐᒥᔪᖅ ᒪᓕᒐᓕᐊᑦ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᓯᒪᕕᖓᑕ ᐃᓂᖏᓐᓂ ᐊᔾᔨᖃᖅᐸᑕ ᒪᓕᒐᐅᔪᓂᑦ ᐊᓯᖏᓐᓂ ᓴᐳᔾᔨᕕᐅᔪᑦ.
ᓈᓴᐅᑎᓕᒃ 6.
ᑐᓴᓚᐅᖅᑕᕗᑦ ᕿᓪᓕᒋᓂᐊᖅᑕᖏᑕ ᒥᒃᓵᓄᑦ ᐊᒻᒪᓗ ᐃᓂᓕᐊᖑᔪᑦ−ᑐᓐᖓᕕᖏᑕ ᐊᐅᓚᑕᐅᓂᖏᑦ
ᓇᓗᓇᐃᖅᓯᒪᔪᑦ ᑎᑎᖃᓕᐊᑦ ᐅᖃᐅᓯᓖᑦ ᐃᓂᐅᔪᓂᑦ ᐊᒻᒪᓗ ᐊᓯᖏ ᐃᓂᓕᐊᖑᔪᑦ−ᑐᓐᖓᕕᖏᑕ ᐊᐅᓚᑕᐅᖏᐊᖃᕐᓂᖏᓐᓂᑦ ᓇᓗᓇᐃᖅᓯᔾᔪᑎᐅᕗᑦ ᐱᔾᔪᓯᐅᔪᓐᓇᖅᑐᓂᑦ ᐊᑐᕆᐊᖃᓐᖏᑎᑕᐅᔪᓄᑦ ᐅᕝᕙᓘᓃᑦ ᐊᑐᖅᑕᐅᓂᐊᖅᑐᑦ ᐃᓗᐊᓂ ᑭᒡᓕᓕᐊᖑᓯᒪᔪᑦ ᐱᓪᓗᒋᑦ ᐱᓕᕆᕈᓘᔭᖅᑐᑦ ᐊᒻᒪᓗ ᐊᑐᖅᑕᐅᔪᑦ ᓇᓗᓇᖅᓯᔾᔪᑎᐅᔪᓂ ᐃᓂᖏᓐᓂᑦ ᑲᓇᑕᒥ ᑕᕆᐅᕐᒥᐅᑕᓂᑦ ᓴᐳᔾᔨᕖᑦ. ᐱᖓᓱᑦ ᐆᒃᑐᖅᓯᒪᔪᑦ ᐱᖃᑕᐅᓪᓗᑎᒃ ᐃᓂᖏᑦ ᓴᐳᔾᔨᕖᑦ, ᐊᔾᔨᐅᓐᖏᑦᑐᑦ ᓴᐳᔾᔨᕕᐅᔪᑦ, ᐊᒻᒪᓗ ᐅᒃᑯᐊᓚᐅᑲᒋᐊᓖᑦ.
ᐅᖃᖅᑕᐅᒐᔪᓚᐅᖅᑐᑦ ᑖᒃᑯᐊ ᐱᖓᓱ ᐆᒃᑐᖅᑕᐅᓯᒪᔪᑦ ᓇᓗᓇᐃᖅᓯᓂᖏᓐᓂᑦ ᐊᑦᑐᐃᑐᐃᓐᓇᕆᐊᖃᕐᓂᖏᓐᓂᑦ ᓄᓇᖅᑲᑎᒌᓂᑦ ᐊᒻᒪᓗ ᑮᓇᐅᔭᓕᐅᖅᑐᓄᑦ ᓄᓇᓕᖕᓂ ᐊᓯᖏᓐᓂᓗ ᓇᖕᒥᓂᖃᖅᑐᓄᑦ ᓲᕐᓗ ᐳᓚᕋᑦᑐᓕᕆᔩᑦ ᐊᒻᒪᓗ ᐃᖃᓗᒐᓱᒃᑎᑦ.
“ᖁᕕᐊᓱᒃᐳᒍᑦ ᓇᓗᓇᐃᖅᓯᔪᓐᓇᕋᑦᑕ [ᓇᐃᓈᖅᓯᒪᔪᓂᒃ ᐸᐃᑉᐹᓂᒃ] ᐃᓚᒋᔭᐅᑎᑦᓯᒻᒪᖕᑕ ᐅᒃᑯᐊᖅᓯᒪᓚᐅᑲᖁᔨᓂᐅᔪᓂᑦ, ᑭᒡᓕᖃᖅᑎᑕᐅᔪᓂᒃ, ᐊᒻᒪ ᐊᔪᖅᑎᑕᐅᔪᓂᒃ ᑕᑎᖃᑐᐃᓐᓇᙱᓪᓗᑎᒃ, ᐊᑐᖅᑕᐅᖏᓐᓇᕐᓂᐊᓕᖅᑐᓂᒃ. ᐃᒪᕐᒥᐅᑕᐃᑦ ᑕᕆᐅᕐᒥᐅᑕᐃᓪᓗ ᐊᕙᑎᖏᑕ ᐊᐅᓚᓂᖏᑦ ᐃᖏᕐᕋᐃᓐᓇᕐᒪᑕ ᐊᓯᔾᔨᖅᐸᓪᓕᐊᖏᓐᓇᖅᑐᑎᒡᓗ, ᐱᓗᐊᖅᑐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᓇᓕᐊᓐᓄᓪᓗ ᖃᓄᐃᒋᐊᕈᓐᓇᕐᓂᖅ, ᐊᓯᔾᔨᖅᐸᓪᓕᐊᖏᓐᓇᕆᐊᖃᖅᑐᓂᓗ ᐱᐅᖅᓱᐊᖅᑐᓕᕆᓂᕐᒥ ᐱᓕᕆᐊᖑᓇᓱᐊᖅᑐᑦ.”
ᑭᓪᓕᓕᐅᕐᓂᖅ
ᑭᓪᓕᓕᐅᕐᓂᖅ ᐃᓕᖅᑯᓯᖃᖅᐳᖅ ᐃᒻᒥᒃᑯᑦ ᑲᓇᑕᒥ ᑕᕆᐅᕐᒥᐅᑕᐃᑦ ᓴᐳᔾᔭᐅᕕᖏᑕ ᐃᓂᖏᑦ ᐊᓯᖏᓐᓄ ᐃᓕᔭᐅᔪᓐᓇᖁᓪᓗᒋᑦ ᐃᓂᐅᔪᓄᑦ ᐊᑐᕈᓐᓇᖅᑎᑕᐅᔪᑦ ᐅᒡᕙᓗ ᐊᑐᖅᑕᐅᔭᕆᐊᖃᓐᖏᑎᑕᐅᔪᑦ. ᑭᓪᓕᓕᐅᕐᓂᕐᒥ ᐸᕐᓇᐅᑏᑦ ᓴᕿᑕᐅᔪᑦ ᐊᒻᒪᓗ ᕿᒥᕐᕈᔭᐅᕙᒃᑐᑦ ᖁᓕᑦ−ᐊᕌᒍᑦ ᐊᓂᒍᕋᐃᒻᒪᑕ.
ᐊᔾᔨᐅᓐᖏᑦᑐᓂᑦ ᐊᐅᓚᑦᓯᒍᑏᑦ ᐃᓂᖏᑦ
ᐊᔾᔨᐅᙱᑦᑐᓄᑦ ᐊᐅᓚᑦᓯᒍᑏᑦ ᓇᐃᓐᓂᖅᓴᐅᔪᑦ ᑭᐅᒋᐊᖃᖅᑎᑕᐅᒍᑏᑦ ᐱᐅᖅᓱᐊᖅᑐᓕᕆᓂᕐᒥ ᐊᐅᓚᑦᑎᓂᕐᒧᓪᓗ ᐱᔾᔪᑎᒋᓪᓗᒍ ᐊᒃᓱᕈᕐᓇᕈᓐᓇᕐᓂᖏᑦ ᒪᓕᓪᓗᒋᑦ ᐋᖅᑭᒃᓯᒪᒍᑕᐅᔭᕆᐊᖃᕐᒪᑕ ᐃᓗᐊᓂ ᐊᑐᖅᑕᐅᔭᕆᐊᖃᓐᖏᑎᑕᐅᔪᓄᑦ ᑭᒃᓕᖃᖅᑎᑕᐅᔪᓄᓪᓘᓐᓃᑦ ᑲᓇᑕᒥ ᑕᕆᐅᕐᒥᐅᑕᐃᑦ ᐊᑐᓗᐊᖅᑕᐃᓕᒪᓂᕐᒧᑦ ᐊᕙᑎᖏᓐᓂ.
ᐅᒃᑯᐊᓚᐅᑲᑦᑎᑦᓯᓂᖅ
ᐅᒃᑯᐊᓚᐅᑲᓚᐅᒃᑐᑦ, ᑭᒡᓕᖃᖅᑎᑕᐅᔪᓪᓗ, ᐊᒻᒪᓗ ᐊᑐᖅᑕᐅᔭᕆᐊᖃᖏᑦᑐᑦ ᑲᒪᒋᔭᐅᑲᐅᖅᑐᕆᐊᖃᑐᐃᓐᓇᕆᐊᓖᑦ ᐅᐃᒪᓇᖅᑐᒃᑯᑦ ᑐᐊᕕᕐᓇᖅᑐᖃᖅᑎᓪᓗᒍ ᐅᕝᕙᓘᓃᑦ ᐊᓯᖏ ᑲᒪᒋᔭᐅᑲᐅᑎᒋᔭᕆᐊᓖᑦ. ᑕᐃᒪᓐᓇ ᐊᔪᓐᖏᑎᑦᑎᓂᖅ ᑭᒡᓕᖃᖅᑐᖅ 30−ᐅᓪᓗᓂᒃ ᐊᑐᖅᑕᐅᔪᓐᓇᕐᓂᖓ.
ᑐᓂᔭᐅᓚᐅᖅᑐᒍ ᐅᑯᓂᖓ ᐃᓗᐊᓂ ᑭᓪᓕᓕᐅᕆᓂᐅᑉ ᒥᑦᓵᓄᑦ.
• ᑕᒪᕐᒥᓕᒫᑲᓴᒃ, ᐅᕝᕙᓘᓃᑦ ᑕᒪᕐᒥᒃ, ᑲᓇᑕᒥ ᑕᕆᐅᕐᒥᐅᑕᕐᓂᑦ ᓴᐳᔾᔨᒍᑏᑦ ᓴᐳᔾᔭᐅᔭᕆᐊᓖᑦ ᐃᓂᖏᑦ. ᑕᒪᓐᓇᐅᓂᖓᓄᑦ ᐊᑯᓂ−ᐊᑐᖅᑕᐅᔪᒪᔪᖅ ᒪᓕᒐᖅᑎᒍᑦ ᓴᐳᔾᔭᐅᓯᒪᒻᒪᕆᒋᐊᖃᖅᑐᖅ.
• ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐃᑲᔪᖅᓱᐃᔭᕆᐊᖃᖅᐳᑦ ᒥᐊᓂᖅᓯᔾᔪᑕᐅᔪᓂᑦ ᐃᒪᕐᒥᐅᑕᐃᑦ ᐆᒪᔪᑦ ᓇᔪᒐᖏᓐᓂᒃ ᓲᕐᓗ ᐃᖃᓗᒐᓱᖕᓂᕐᒨᖓᔪᑦ ᐊᖑᓇᓱᖕᓂᕐᒧᓪᓗ ᑭᒡᓕᓕᐅᖅᑕᐅᓗᑎᒃ ᐱᓕᕆᐊᕆᔪᓐᓇᖅᑕᖏᑦ.
• ᒪᓕᒐᐃᑦ ᐊᑐᖅᑕᐅᔪᓐᓇᖅᐳᑦ ᓴᙱᒃᑎᒋᐊᕈᑕᐅᓗᑎᒃ ᓴᐳᔾᔭᐅᔾᔪᑏᑦ ᐆᒪᔪᓂᑦ ᓇᔪᒐᖏᓐᓂᓪᓗ ᐃᖏᕐᕋᐃᓐᓇᕈᓐᓇᖁᓪᓗᒋᑦ, ᓲᕐᓗ, ᐊᑐᖁᔭᐅᓐᖏᑦᑐᑦ ᐊᑦᓱᓐᖏᐅᒪᑦᓯᐊᕐᓗᑎᒃ ᑭᒡᓕᖃᖅᑎᑦᓯᓗᑎᓪᓗ ᐱᓪᓗᒋᑦ ᐃᓪᓗᓕᐊᖑᒍᓐᓇᖅᑐᖅ ᓴᐳᔾᔭᐅᓯᒪᕕᐅᑉ ᐃᓗᐊᓂ.
• ᓈᒻᒪᓈᓐᖏᑐᐃᓐᓇᕆᐊᓖᑦ ᐃᓅᖃᑎᒌᓄᑦ ᐊᒻᒪ ᒪᑭᒪᔾᔪᑎᓄᑦ ᐊᒃᑐᐃᔾᔪᑕᐅᑐᐃᓐᓇᕆᐊᓖᑦ ᐃᓗᐊᓂ ᓴᐳᔾᔨᔾᔪᑏᑦ ᓄᓇᓕᓐᓄᑦ ᓱᖁᑎᒋᔭᐅᙱᑐᐃᓐᓇᕆᐊᖃᖅᐳᑦ ᒥᒃᖠᒋᐊᖅᑎᑕᐅᓗᑎᒡᓘᓐᓃᑦ ᐃᑲᔪᖅᓱᕐᓗᒋᑦ ᓄᓇᓕᖕᓂ ᐱᓕᕆᐊᑦ ᓲᕐᓗ ᓄᓇᓕᖕᓂ ᖃᐅᔨᓴᖅᑐᓕᕆᓂᖅ ᐊᒻᒪ ᓇᔪᖅᐸᒃᑕᖏᑦ ᐋᖅᑭᒋᐊᖅᑕᐅᓗᑎᒃ, ᐳᓚᕋᖅᑐᓕᕆᓂᖅ, ᐊᓯᖏᓪᓗ ᐆᒪᔪᑦ ᓇᔪᒐᖏᑦ ᐃᖏᕐᕋᐃᓐᓇᕈᓐᓇᖅᑐᓄᑦ ᐱᓕᕆᐊᓄᑦ.
• ᑐᑭᓯᒋᐊᒐᒃᓴᖅᑕᖃᒃᑲᓐᓂᖅᑐᖅ ᖃᓄᖅ ᓄᓇᓕᕆᓂᕐᒧᑦ ᒪᓕᒋᐊᓖᑦ ᐊᒃᑐᐊᓂᖃᕐᓂᐊᕐᒪᖔᑕ ᐊᐅᓚᑦᑎᓂᕐᒧᑦ ᐸᕐᓇᒃᑕᐅᕙᓪᓕᐊᔪᓄᑦ ᐃᑦᑕᕐᓂᓴᖃᕐᕕᖕᓂ ᑕᐃᒪᐃᑦᑕᕆᐊᖃᖅᐸᑦ.
ᐅᒡᕙ ᐅᖃᐅᓯᐅᓚᐅᖅᑐᑦ ᐱᓪᓗᒋᑦ ᐊᔾᔨᐅᓐᖏᑦᑐᓂᑦ ᐊᐅᓚᑦᓯᔾᔪᑕᐅᔪᑦ ᐊᒻᒪᓗ ᐅᒃᑯᐊᓚᐅᑲᒃᑎᑦᓯᒍᑏᑦ.
ᑐᓴᓚᐅᕆᕗᒍᑦ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓂᒃ ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᑦ ᐃᓚᐅᖃᑦᑕᕆᐊᖃᕐᓂᖏᓐᓂᒃ ᕿᓚᒻᒥᐅᓛᒃᑯᑦ ᓴᖅᑮᓂᐊᓕᖅᐸᑕ ᐱᒻᒪᕆᐅᔪᓂᒃ ᐊᐅᓚᑦᑎᔾᔪᑎᐅᓂᐊᖅᑐᓂᒃ. ᑕᒪᕐᒥᒃ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᑦ ᐊᓯᖏᓪᓗ ᑭᐅᔪᑦ ᓇᓗᓇᐃᖅᓯᓚᐅᕆᕗᑦ ᑐᑭᓯᒋᐊᕐᕕᑦᑕᖃᒃᑲᓐᓂᕆᐊᖃᕐᓂᖓᓂᒃ ᐱᓕᕆᔾᔪᓯᕐᒥᒃ ᓇᓗᓇᐃᖅᓯᓂᐊᖅᑎᓪᓗᒋᑦ ᐊᒻᒪ ᑐᓴᕋᓱᒃᑎᓪᓗᒋᑦ ᐱᒻᒪᕆᐅᔪᓂᒃ ᐊᐅᓚᑦᑎᔨᓂᒃ ᐊᑐᖅᑕᐅᑐᐃᓐᓇᕆᐊᖃᕐᓂᖏᓐᓂᒡᓗ, ᐃᓚᓕᐅᔾᔭᐅᓗᑎᒃ ᓱᖏᐅᓴᓂᕐᒧᑦ ᐊᐅᓚᑦᑎᔾᔪᑎᑦ ᐊᒻᒪ ᐃᓕᓐᓂᐊᖅᑎᑦᑎᓂᖅ ᓄᓇᖃᖅᑳᖅᓯᒪᔪᓂᒃ ᐊᖑᓇᓱᒍᑕᐅᓲᓂ..
ᐃᑲᔪᖅᓱᖅᑕᐅᑦᑎᐊᓚᐅᖅᐳᒍᑦ ᐊᓯᖏᓐᓂᒃ ᑭᐅᔪᓄᑦ ᐊᑐᖅᑕᐅᕙᓐᓂᖏᑦ ᐱᓪᓗᒋᑦ ᐊᔾᔨᐅᙱᑦᑐᓂᑦ ᐊᐅᓚᑦᓯᔾᔪᑕᐅᔪᑦ ᐊᒻᒪ ᐅᖅᑯᐊᖅᓯᒪᓚᐅᑲᖕᓂᐊᖅᑎᓪᓗᒋᑦ ᓈᒻᒪᓈᖅᑐᒃᑯᑦ ᑭᐅᔾᔪᑕᐅᔪᑦ ᐱᐅᖅᓱᐊᖅᑐᓕᕆᓂᕐᒥ ᐊᒃᓱᕉᑕᐅᓲᓂᒃ ᐊᒻᒪ ᐃᓄᖕᓄᑦ ᐊᑦᑕᕐᓇᖅᑐᒦᑎᑦᓯᑦᑕᐃᓕᒪᓂᕐᒥᒃ ᑕᕆᐅᕐᒥᐅᑕᓂᒃ. ᑐᓴᓚᐅᕆᕗᒍᑦ ᐊᔾᔨᐅᙱᑦᑐᑦ ᐊᐅᓚᑦᑎᕖᑦ ᐃᓚᔭᐅᒋᐊᖃᕐᓂᖏᓐᓂᑦ ᓴᐳᔾᔨᔾᔪᑎᒃᓴᒃᑲᓐᓂᕐᓂᒃ ᓄᓇᒥ ᐲᖅᑕᐅᖁᔭᐅᒐᑎᒃ ᐊᑐᖅᑕᐅᔭᕆᐊᖃᓐᖏᑎᑕᐅᔪᑦ ᐅᕝᕙᓘᓐᓃᑦ ᑭᒡᓕᓕᐅᖅᑕᐅᕙᓪᓕᐊᔪᑦ.
ᓈᓴᐅᑎᓕᒃ 7.
ᑐᓴᓚᐅᖅᑐᒍ ᐅᖃᐅᓯᓕᑦ ᐊᓯᐊᓂ ᐅᖃᐅᓯᒃᓴᓂ
ᐃᓚᖏ ᑭᐅᔪᑦ ᑭᒡᒐᖅᑐᐃᓚᐅᖅᑐᖅ ᓂᐱᒋᔭᐅᓪᓗᑎᒃ ᐅᕝᕙᓗ ᖃᐅᔨᒋᐊᒃᑲᓐᓂᖅᑐᑎᒃ ᒪᓕᒐᕐᓂᑦ ᐅᑯᐊ ᐱᔾᔪᑎᒋᓪᓗᒋᑦ:
• ᓴᖅᑭᓪᓗᒋᑦ ᑲᓇᑕᒥ ᐊᒻᒪ ᓄᓇᕐᔪᐊᕐᒥ ᐊᖏᕈᑕᐅᓯᒪᔪᑦ ᐸᐅᕐᒧᑦ ᐃᓯᐊᕿᓗᐊᖅᑕᐃᓕᒪᑎᑦᑎᓂᕐᒧᑦ, ᒥᒃᖠᒋᐊᖅᑎᓪᓗᒋᑦ ᐊᔾᔨᒌᙱᑦᑐᑦ ᐆᒪᔪᑦ ᐊᓯᐅᔨᔭᐅᕙᒃᑐᑦ, ᐊᒻᒪ ᐊᐅᓚᑦᑎᓂᖅ ᐊᒃᑕᑯᓂᒃ.
• ᐃᓱᒪᒋᔭᐅᑦᓯᐊᖁᓪᓗᒋᑦ ᐃᓱᒪᓕᐅᕐᓂᐊᑎᓪᓗᒋᑦ ᐊᒃᑐᖅᓯᓂᕆᓇᔭᖅᑕᖏᑦ ᐱᓕᕆᐊᖑᔪᑦ ᑲᔪᓯᑦᑎᐊᖁᓪᓗᑦᒋᑦ ᐊᔪᙱᓐᓂᕆᔭᐅᔪᑦ ᓄᓇᓕᖕᓂ ᑲᓇᑕᓕᒫᒥᓗ ᑕᕆᐅᕐᒥᐅᑕᓂᑦ ᓄᖑᕋᐃᓗᐊᖅᑕᐃᓕᒪᓂᕐᒧᑦ ᓴᐳᔾᔨᕕᐅᔪᓂ.
• ᑲᒪᒋᓗᒋᑦ ᓴᖅᑭᑉᐸᓪᓕᐊᔪᑦ ᐱᓕᕆᐊᒃᓴᑦ ᒪᓕᒐᓕᐅᖅᑕᐅᔭᕆᐊᓖᑦ ᓯᕗᓂᒃᓴᒥ, ᓲᕐᓗ ᐳᒃᑕᓲᑦ ᐃᒡᓗᐃᑦ.
• ᐃᓚᓕᐅᑎᓗᒋᑦ ᐊᑐᖅᑕᐅᔭᕆᐊᖃᓪᓚᕆᒃᑐᑦ ᐊᑐᐊᒐᒃᓴᑦ ᐳᓚᕋᖅᑐᓕᕆᔨᑦ ᐊᐅᓚᑦᑎᔨᖏᓐᓄᑦ, ᐃᓚᓕᐅᔾᔭᐅᓗᑎᒃ ᐱᓕᒻᒪᒃᓴᖅᑕᐅᒋᐊᓕᑦ ᐊᒻᒪ ᐊᐅᓚᑦᑎᔾᔪᑎᑦ ᐱᔭᐅᒋᐊᓕᑦ ᓲᕐᓗ ᐊᒃᑕᑯᑦ ᐊᒻᒪ ᐸᐅᕐᒧᑦ ᐃᓯᐊᕿᓗᐊᖅᑕᐃᓕᒪᑎᑦᑎᓂᕐᒧᑦ.
• ᖃᐅᔨᓴᒃᑲᓐᓂᕐᓗᒋᑦ ᐃᓚᖏᑦ ᐱᓕᕆᐊᒃᓴᑦ ᐅᕝᕙᓘᓐᓃᑦ ᐊᑐᖅᑕᐅᔪᑦ ᓇᓗᓇᐃᖅᑕᐅᓯᒪᔪᑦ ᑎᑎᕋᖅᓯᒪᔪᓂᒃ, ᐃᓚᓕᐅᑎᓗᒋᑦ ᖃᖓᑕᔪᓐᓇᖅᑐᑦ ᐊᒻᒪ ᐊᖑᓇᓱᖕᓃᑦ ᐃᒪᕐᒥᐅᑕᓂᒃ ᐱᕈᖅᑐᓂᒃ ᐊᒻᒪ ᕿᒥᕐᓗᖃᙱᑦᑐᓂᒃ, ᖃᐅᔨᒪᔭᐅᖁᓪᓗᒋᑦ ᒪᓕᒋᐊᓕᑦ ᓈᒻᒪᒃᑐᓂᒃ ᐊᑕᖐᒐᓗᐊᕐᒪᖔᑕ ᑕᒪᐃᓐᓄᑦ ᐱᓕᕆᐊᓄᑦ ᐊᒃᑐᐃᔾᔪᑕᐅᑐᐃᓐᓇᕆᐊᓕᖕᓄᓪᓗ.
